બસ પર પડ્યો હાઇટેન્શન વાયર, 12ના મોત, 32 દાઝ્યા

લખનૌ, 24 ઑક્ટોબરઃ ઉત્તર પ્રદેશના ફતેહપુર જનપદમાં મંગળવારે એક દર્દનાક ઘટનામાં 12 લોકોના મોત નિપજ્યા છે. આ અંગેના સમાચાર મળતાની સાથે જ પોલીસ ઘટના સ્થળે દોડી આવી હતી અને મૃતદેહોનો કબજો લઇ તેમને પોસમાર્ટમ માટે મોકલ્યા હતા. મળતી માહિતી અનુસાર, જિલ્લાના જહાનાબાદ વિસ્તારમાં ખાનગી બસ મુસાફરો સાથે ફતેહપુર જવા માટે એક બસ સ્ટેન્ડ પાસે ઉભી હતી, ડ્રાઇવરે જેવી બસ ચાલુ કરી કે એક હાઇ ટેન્શન વાયર બસ પર પડ્યો હતો.

વાયર પડવાના કારણે બસમાં કરન્ટ પ્રસરી ગયો અને સ્પાર્કિંગ થવાના કારણે બસમાં આગ લાગી ગઇ. જેમાં 12 લોકોના ઘટના સ્થળે જ મોત નિપજ્યા હતા જ્યારે 32 લોકો દાઝ્યા હતા. દાઝેલા લોકોને પહેલા સીએચસી અને પછી જિલ્લા હોસ્પિટલમાં મોકલવામાં આવ્યા હતા. નોંધનીય છે કે મંગળવારે ચાર વાગે જહાનાબાદથી ફતેહપુર જવા માટે આ બસ ઉભી હતી.

ચાલકે બસને જેવી રિવર્સમાં લીધી કે તે હાઇ ટેન્શન લાઇન સાથે અથડાઇ અને જોરદાર સ્પાર્ક સાથે વાયર તૂટીને બસ પર પડ્યો. જેના કારણે બસમાં આગ લાગી ગઇ. બસમાંથી કૂદને 10 લોકો જીવ બચાવવામાં સફળ રહ્યાં. સબ સ્ટેશનમાંથી જ્યાં સુધી વિજ કનેક્શન કાપવામાં આવ્યું ત્યાં સુધીમાં બસમાં આગ લાગી ગઇ હતી. બસમાં ફસાયેલા લોકો મદદ માટે બુમો પાડી રહ્યાં હતા, પરંતુ બહાર ઉભેલા લોકો તેમને બચાવવા અસમર્થ હતા. કનેક્શન કપાયા પછી લોકોએ કાચ તોડીને બસમાં ફસાયેલા લોકોને બચાવવા મદદ કરી પરંતુ ત્યાં સુધીમાં 12 લોકોના મોત નિપજી ગયા હતા.

English summary

At least 12 persons, including women and children, were reportedly killed and 32 suffered burn injuries when a high tension electricity wire fell on a private bus carrying passengers at Jahanabad locality of Fatehpur disricts in Uttar Pradesh.