UP: ચોથા તબક્કામાં 31 ટકા કરોડપતિ મેદાનમાં

By Kumar Dushyant

Updated: Friday, April 25, 2014, 15:34 [IST]

લખનઉ, 25 એપ્રિલ: ઉત્તર પ્રદેશમાં 30 એપ્રિલના રોજાનાર મહાસંગ્રામમાં 233માંથી 73 એટલે કે (31 ટકા) ઉમેદવાર કરોડપતિ છે. કરોડપતિ ઉમેદવારોની રેસમાં કોંગ્રેસ સૌથી આગળ છે. રાજ્યમાં આ મતદાન ચોથા તબક્કાનું છે. આ તબક્કામાં 14 લોકસભા વિસ્તારોમાં મતદાન થવાનું છે. વધુ સંપત્તિ ધરાવનાર મુખ્ય ઉમેદવારોમાં ઉન્નાવથી કોંગ્રેસના ઉમેદવાર અનુ ટંડન પહેલા ક્રમ પર છે, જેમની સંપત્તિ 63 કરોડ રૂપિયાથી વધુ છે. બીજી તરફ ઝાંસીથી બહુજન સમાજ પાર્ટી (બસપા)ના ઉમેદવાર અનુરાધા શર્માની સંપત્તિ 31 કરોડ રૂપિયાથી વધુ છે. આમ આદમી પાર્ટી (આપ)ના સ્ટાર પ્રચારક અને લખનઉથી ઉમેદવાર જાવેદ જાફરીની સપંત્તિ 26 કરોડ રૂપિયાથી વધુ છે.

સૌથી ઓછી સંપત્તિવાળા ત્રણ ઉમેદવારોમાં શિવસેનાના ઝાંસીથી ઉમેદવાર સુનીલ મૈસેની સંપત્તિ 3,113 રૂપિયા છે. જાલૌનથી ઑલ હિંદ પાર્ટીના ઉમેદવાર ગંગા સિંહની સંપત્તિ 85,00 રૂપિયા છે. શ્રેષ્ઠતમ રાષ્ટ્ર પાર્ટીથી લખીમપુરના ધરૌહરાથી ઉમેદવાર સ્વામી દયાળની સંપત્તિ 21 હજાર રૂપિયા છે.

ઉત્તર પ્રદેશ ઇલેકશન વોચ (યુપીઇડબ્લ્યૂ) અને એસોસિએશન ફોર ડેમોક્રિટિક રિફોર્મ (એડીઆર)એ લોકસભા ચૂંટણી માટે ઉત્તર પ્રદેશમાં ચોથા તબક્કા હેઠળ ચૂંટણી લડનાર 233 ઉમેદવારોમાંથી 73 ઉમેદવારોના શપથપત્રોનું વિશ્લેષણ કર્યું. આ અભિયાનનો ઉદ્દેશ્ય દેશમાં મતદારોને જાગૃત કરવાનો છે, જેથી તે પોતાના વોટ કિંમત સમજે.

પક્ષ મુજબ કરોડપતિ ઉમેદવારો: બસપાના 14માંથી 13 (93 ટકા), કોંગ્રેસના 14માંથી 13, ભારતીય જનતા પાર્ટીના (ભાજપ)ના 14 માંથી 12 (86 ટકા), આપના 12માંથી પાંચ (42 ટકા) ઉમેદવારોની સંપત્તિ એક કરોડથી વધુ છે.