UP News : CM યોગી કરશે પ્રયાગરાજની મુલાકાત, 2024 લોકસભાની ચૂંટણી પર ફોક્સ

UP News : ઉત્તર પ્રદેશના મુખ્યમંત્રી યોગી આદિત્યનાથ આજે પ્રયાગરાજ પહોંચશે. આ દરમિયાન મુખ્યમંત્રીની સુરક્ષા ત્રિસ્તરીય રહે છે. સીસીટીવી કેમેરામાં લોકો પર નજર રાખવામાં આવે છે.

પોલીસની સાથે સાથે ગુપ્તચર એજન્સી અધિકારીઓ પણ પોતાની રીતે ઇનપુટ એકઠા કરી રહ્યા છે. લુકરગંજમાં કાર્યક્રમ સ્થળ પાસે રૂફટાફ સશસ્ત્ર જવાનોને તૈનાત કર્યા છે. સાદા કપડામાં પોલીસ પણ પેટ્રોલિંગ કરી રહ્યા છે.

ગુરુવારના રોજ એડીજી ઝોન ભાનુ ભાસ્કર, પોલીસ કમિશનર રમિત શર્મા, આઈજી રેન્જ ચંદ્ર પ્રકાશે પોલીસ લાઈન ઓડિટોરિયમમાં તાબાના પોલીસ અધિકારીઓ અને કર્મચારીઓને માહિતી આપી હતી.

આ પહેલા કાફલાનું રિહર્સલ કરવામાં આવ્યું હતું. સુરક્ષાની સાથે સાથે ટ્રાફિક વ્યવસ્થા માટે ટ્રાફિક પોલીસકર્મીઓની ડ્યુટી પણ લગાવવામાં આવી છે. આ અંગે અધિકારીઓના જણાવ્યા અનુસાર, મુખ્યમંત્રી યોગીની સુરક્ષા માટે પૂરતી વ્યવસ્થા કરવામાં આવી છે.

આગમન દરમિયાન સ્થળ સુધીના માર્ગથી મજબૂત સુરક્ષા કોર્ડન કરવામાં આવી છે. એક કંપની આરએએફ, પાંચ કંપની પીએસી, 18 એસીપી અને એક હજારથી વધુ પોલીસકર્મીઓ સુરક્ષામાં તૈનાત છે. બ્રીફિંગ દરમિયાન અધિકારીઓએ ફરજ પરના પોલીસકર્મીઓને કોઈપણ સ્તરે બેદરકારી ન રાખવા સૂચના આપી છે.

ડીપીસી સિટી દીપક ભુકરના જણાવ્યા અનુસાર, મુખ્યમંત્રી યોગી આદિત્યનાથની સુરક્ષાની પૂરતી વ્યવસ્થા કરવામાં આવી છે. માફિયાઓના કબ્જામાંથી મુક્ત કરવામાં આવેલી જમીન પર ગરીબોને વસાવીને મુખ્યમંત્રી યોગી આદિત્યનાથ મોટો સંદેશ આપવા જઈ રહ્યા છે.

પ્રથમ તે માફિયારાજના અંતનો અને બીજું, ભયમુક્ત રાજ્યનો સંદેશ આપશે. એટલું જ નહીં, ગરીબોને તેમના ઘરનું સપનું પૂરું કરીને તેઓ સબકા સાથ-સબકા વિકાસનું મૂર્ત સ્વરૂપ પણ આપવા જઈ રહ્યા છે. 2024ની લોકસભા ચૂંટણીને ધ્યાનમાં રાખીને વિકાસ અને સુશાસનના એજન્ડા પર પગલાં લેવાના સંકલ્પને પણ પુનરોચ્ચાર કરશે.

લુકરગંજમાં લગભગ 1731 ચોરસ મીટર જમીન માફિયા અતીક અહેમદના કબ્જામાં હતી. ફરિયાદની તપાસ થતાં સરકાર દ્વારા કડક વલણ અપનવવામાં આવ્યું હતું. જમીન માફિયાઓના કબ્જામાંથી મુક્ત કરાવી હતી. આ પછી નક્કી થયું કે, આ જમીન પર ગરીબો માટે ઘર બનાવવામાં આવશે.

વર્ષ 2021માં મુખ્યમંત્રી પોતે ગરીબોના ઘરનો શિલાન્યાસ કરવા આવ્યા હતા. ઝડપથી બાંધકામ શરૂ કરવામાં આવ્યું હતું અને હવે આ જમીન પર ચાર માળના બે બ્લોક તૈયાર છે, જેમાં 76 ફ્લેટ બનાવવામાં આવ્યા છે. આ માટે લોટરી કાઢવામાં આવી છે.

શુક્રવારે બપોરે મુખ્યમંત્રી આ લાભાર્થીઓને ચાવીઓ સોંપશે. આ આવાસ યોજનાના નિર્માણમાં 5.68 કરોડ રૂપિયાનો ખર્ચ કરવામાં આવ્યો છે. બે રૂમના ફ્લેટની કિંમત 7.5 લાખ છે. લાભાર્થીઓને માત્ર 3.5 લાખ રૂપિયા સરળ હપ્તામાં આપવાના રહેશે. ભારત સરકાર અને PDAએ દોઢ લાખ અને રાજ્ય સરકારે એક લાખ રૂપિયાની ગ્રાન્ટ આપી છે.

English summary

UP News : CM Yogi to visit Prayagraj, Focus on 2024 Lok Sabha elections