UP PET exam: રાહુલ ગાંધીનો મોદી સરકાર પર હુમલો, પીએમ આંખો મીંચીને બેઠા છે, યુવાનો ઠોકરો ખાવા મજબૂર
કોંગ્રેસના પૂર્વ અધ્યક્ષ રાહુલ ગાંધીએ ઉત્તર પ્રદેશમાં પ્રારંભિક યોગ્યતા પરીક્ષા(PET)માં લઈને શનિવારે નરેન્દ્ર મોદી પર આરોપ લગાવ્યો.
UP PET exam: કોંગ્રેસના પૂર્વ અધ્યક્ષ રાહુલ ગાંધીએ ઉત્તર પ્રદેશમાં પ્રારંભિક યોગ્યતા પરીક્ષા(PET)માં 37 લાખથી વધુ યુવાનોના આવેદનને લઈને શનિવારે આરોપ લગાવ્યો કે પ્રધાનમંત્રી નરેન્દ્ર મોદી આંખો મીચીને બેઠા છે અને યુવાનો ઠોકરો ખાવા માટે મજબૂર છે. પ્રિયંકા ગાંધી વાડ્રાએ પણ ફોટા ટ્વિટર પર શેર કરીને લખ્યુ કે મુશ્કેલી જોઈને તારા રુંવાડા ઉભા થઈ જશે.
કોંગ્રેસ નેતા રાહુલ ગાંધીએ ટ્વીટ કરીને લખ્યુ, 'UP-PET ફોર્મ - 37 લાખ. ખાલી જગ્યાઓ - ગણતરી! આ યુવાનોને વાર્ષિક 2 કરોડ નોકરીઓનુ વચન આપવામાં આવ્યુ હતુ પરંતુ આ તસવીરમાં દેશના શિક્ષિત બેરોજગાર યુવાનોની લાચારી દેખાઈ રહી છે. સ્પષ્ટ છે કે વડાપ્રધાન આંખ આડા કાન કરીને બેઠા છે અને યુવાનો ઠોકરો ખાવા મજબૂર છે. આ સાથે રાહુલે ટ્રેનના ડબ્બાની અંદર યુવાનોની ભારે ભીડની તસવીરો પણ શેર કરી છે.
રાહુલ ગાંધી ઉપરાંત કોંગ્રેસ નેતા પ્રિયંકા ગાંધીએ શનિવારે PETમાં અવ્યવસ્થા વિશે ટ્વિટ કર્યુ હતુ. તેમણે લખ્યુ, 'UP PET પરીક્ષામાં ભારે અવ્યવસ્થાના કારણે વિદ્યાર્થીઓને જે સમસ્યાઓનો સામનો કરવો પડી રહ્યો છે તે જોઈને તમારા રુંવાડા ઉભા થઈ જશે. પરંતુ ભાજપ સરકારને કોઈ ફરક પડતો નથી. યુવા વિરોધી સરકાર પરીક્ષાઓ માટે યુવાનો પાસેથી તગડી ફી વસૂલે છે પરંતુ તે ન તો નોકરીઓ આપી શકવા સક્ષમ છે કે ન તો અરાજકતામાંથી મુક્તિ અપાવી શકી છે.
બીજી તરફ પીલીભીંતના ભાજપ સાંસદ વરુણ ગાંધીએ આ ટ્વિટ પર કટાક્ષ કર્યો હતો. વરુણ ગાંધીએ ટ્વિટ કરીને લખ્યુ કે યુપી પૂરની ઝપટમાં છે. 37 લાખથી વધુ વિદ્યાર્થીઓએ PET પરીક્ષા આપી છે. પ્રશ્નપત્ર ઉકેલવા કરતાં કેન્દ્ર સુધી પહોંચવાનો મોટો પડકાર છે. વિદ્યાર્થીઓની સતત માંગ છતાં ન તો પરીક્ષા મોકૂફ રાખવામાં આવી કે ન તો ટ્રાફિકની પૂરતી વ્યવસ્થા કરવામાં આવી. કદાચ 'હવાઈ નિરીક્ષણ' 'ગ્રાઉન્ડ ઈસ્યુ' નથી દેખાતા.