યુપીએસસી સિવિલ સર્વિસીસ પરીક્ષાની માર્કશીટ જાહેર, જાણો ટૉપર કનિષ્ક કટારિયાના માર્ક્સ

યુપીએસસી સિવિલ સર્વિસ પરીક્ષાના પરિણામ જાહેર થઈ ચૂક્યા છે. 5 એપ્રિલના રોજ સિવિલ સેવા પરક્ષાનું પરિણામ જાહેર કરવામાં આવ્યુ અને હવે તેની માર્ક્સશીટ પણ જાહેર કરવામાં આવી છે. આ વર્ષે યુપીએસસીમાં રાજસ્થાનના કનિષ્ક કટારિયા ટૉપર રહ્યા છે. કનિષ્કે 1121 ગુણ મેળવ્યા. વળી, બીજા નંબરે આવનાર અક્ષત જૈને 1080 ગુણ મેળવ્યા. ત્રીજા સ્થાન પર રહેનાર જુનેદ ખાને 893 ગુણ લેખિત પરીક્ષામાં અને 184 ગુણ ઈન્ટરવ્યુમાં મેળવ્યા.

ટૉપર કનિષ્ક કટારિયાની માર્ક્સશીટ જોઈએ તો સિવિલ સેવા પરીક્ષામાં તેમણે કુલ 1121 ગુણ મેળવ્યા. આમાં મેઈન્સ એક્ઝામમાં 942 ગુણ, પર્સનાલિટી ટેસ્ટમાં તેમણે 179 ગુણ મેળવ્યા. વળી, અક્ષત જૈને લેખિત પરીક્ષામાં 882 ગુણ અને પર્સનાલિટી ટેસ્ટમાં 198 ગુણ મેળવ્યા છે. ત્રીજા સ્થાન પર રહેલા યુપીના જુનેદ અહેમદે લેખિત પરીક્ષામાં 893 અને ઈન્ટરવ્યુમાં 184 માર્ક્સ મેળવ્યા છે. વળી, ચોથો રેન્ક મેળવનાર શ્રેયાંશ કુમના કુલ 1071 માર્ક્સ હતા. લેખિત પરીક્ષામાં તેમના 887 માર્ક્સ હતા. વળી, ઈન્ટરવ્યુમાં 184 ગુણ હતા.

જો ગર્લ્સ ટૉપરની વાત કરીએ તો મહિલાઓમાં ટૉપર આવનારી ભોપાલની સૃષ્ટિ દેશમુખે કુલ 1068 ગુણ મેળવ્યા જેમાં લેખિત પરીક્ષામાં તેમણે 895 ગુણ અને પર્સનાલિટી ટેસ્ટમાં 173 ગુણ મેળવ્યા છે. તમને જણાવી દઈએ કે આ વર્ષે યુપીએસસીમાં કુલ 759 કેન્ડીડેટ્સે ક્વૉલિફાઈ કર્યુ હતુ જેમાંથી જનરલ કેટેગરીના 361, એસસીના 128સ એસટીના 61 અને ઓબીસીના 209 કેન્ડીડેટ્સે ક્વૉલિફાઈ કર્યુ હતુ.

English summary

UPSC Civil Services Exam 2018: Marks released