ઉત્તરકાશીની ટનલમાં ડ્રીલિંગ થયુ બંધ, ખરાબ થઈ ગયુ આ મોટુ મશીન, જાણો હવે શું થશે આગળ

Uttarkashi Silkayara Tunnel Rescue operation Update: ઉત્તરાખંડના ઉત્તર કાશીમાં 12 નવેમ્બરે સિલ્ક્યારા ટનલનો એક ભાગ તૂટી પડ્યા બાદ ફસાયેલા 41 કામદારોને બચાવવા માટેના બચાવ અભિયાનનો આજે 12મો દિવસ છે. ઉત્તરકાશી ટનલ રેસ્ક્યુ ઓપરેશન હવે તેના છેલ્લા તબક્કામાં છે.

હવે ડ્રિલિંગ માટે માત્ર 6 થી 8 મીટરની ત્રિજ્યા બાકી છે પરંતુ આ દરમિયાન એક મોટું મશીન બગડી ગયું છે. સિલ્ક્યારા ટનલમાં રાહત કાર્ય દરમિયાન આજે સવારે ઓગર મશીન તૂટી ગયું હતું. જે બાદ તેને બંધ કરી દેવામાં આવ્યુ છે. હાલમાં દિલ્હીથી 7 નિષ્ણાતો હેલિકોપ્ટર દ્વારા ઉત્તરકાશી પહોંચી રહ્યા છે.

ઓગર મશીનને રિપેર કરવા માટે હેલિકોપ્ટર દ્વારા અન્ય મશીન પણ લાવવામાં આવ્યું છે. જ્યારે સિલ્ક્યારા ટનલ સાઇટ પર દિલ્હીથી વેલ્ડીંગ નિષ્ણાતોને બોલાવવામાં આવ્યા છે. ફસાયેલા કામદારોને બચાવવા માટે બચાવ કામગીરી ચાલુ છે.

ઘટના સ્થળે પહોંચેલા દિલ્હીના વેલ્ડીંગ નિષ્ણાત વેલ્ડર રાધે રમણ દુબેએ જણાવ્યું હતું કે, "અમે અહીં ટનલની અંદર એમએસ પાઇપને વેલ્ડ કરવા આવ્યા છીએ. આ માટે પાંચ વેલ્ડર અહીં આવ્યા છે. અમે વેલ્ડીંગની મદદથી આ કામ કરીશું."

ઉત્તરકાશીના ડીએમ અભિષેક રુહેલાએ નવીનતમ અપડેટમાં જણાવ્યું હતું કે, "અમે મોટા ભાગનું અંતર કવર કરી લીધું છે અને થોડું કામ બાકી છે. અમારી ટીમો અમે જે ટેકનિકલ સમસ્યાઓનો સામનો કરી રહ્યા છીએ તેને ઉકેલવા માટે સતત પ્રયાસ કરી રહી છે. અમે નિષ્ણાતો અને કુશળ વ્યક્તિઓની સલાહ લઈ રહ્યા છીએ, જેમાંથી કેટલાકને સ્થળ પર બોલાવવામાં આવ્યા છે. બચાવ કાર્ય ક્યારે સમાપ્ત થશે તે કહી શકાય તેમ નથી પરંતુ કામ ચાલુ છે અને રાજ્ય અને કેન્દ્ર સરકાર દ્વારા તેની દેખરેખ રાખવામાં આવી રહી છે. અમને ભારત સરકાર તરફથી શક્ય તમામ મદદ મળી રહી છે."

ઉત્તરાખંડના સીએમઓએ માહિતી આપી છે કે મુખ્યમંત્રી પુષ્કર સિંહ ધામી પોતે ઉત્તરકાશીમાં હાજર છે અને સમગ્ર ઘટના પર નજર રાખી રહ્યા છે. એટલું જ નહીં, વડાપ્રધાન કાર્યાલયના પૂર્વ સલાહકાર ભાસ્કર ખુલબે પણ સિલ્ક્યારા ટનલ સાઇટ પર પહોંચી ગયા છે.

#WATCH | Uttarkashi (Uttarakhand) tunnel rescue | On welding experts from Delhi arrived at the incident site, welder Radhe Raman Dubey; says, "We are here to weld MS pipe inside the tunnel. Five welders have come here for the same...We'll do it with the help of welding machines" pic.twitter.com/b1NncG2fc4

— ANI (@ANI) November 23, 2023

#WATCH | Uttarkashi (Uttarakhand) tunnel rescue | Uttarkashi DM Abhishek Ruhela says "We have covered a majority of the distance and there is little work left. Our teams are continuously trying to overcome the technical problems that we are facing. We are taking advice from… pic.twitter.com/HsriUXif0W

— ANI (@ANI) November 23, 2023

English summary

Uttarkashi Tunnel Rescue operation: drilling work close as machine is not working. Know what happen now.