For Quick Alerts
ALLOW NOTIFICATIONS  
For Daily Alerts
Oneindia App Download

હિમાચલ-ઉત્તરાખંડમાં રેડ એલર્ટ, દેશના 14 રાજ્યોમાં ભારે વરસાદની સંભાવના

હવામાન વિભાગે ઉત્તરકાશી, ચમોલી, પિથોરાગઢ, દહેરાદૂન, પૌઢી અને નૈનીતાલ જિલ્લામાં આગામી 24 કલાકમાં ભારે વરસાદની ચેતવણી આપી છે.

|
Google Oneindia Gujarati News

દેશના ઉત્તરી અને પહાડી રાજ્યોમાં ભારે વરસાદનો દોર ચાલુ છે. રવિવારે ઉત્તરાખંડમાં વાદળ ફાટવાથી 20 ઘર વહી ગયા. ત્યારબાદ 18 લોકો ગાયબ છે. અલકનંદા સહિત રાજ્યની ઘણી નદીઓ છલકાઈ રહી છે. હવામાન વિભાગે ઉત્તરકાશી, ચમોલી, પિથોરાગઢ, દહેરાદૂન, પૌઢી અને નૈનીતાલ જિલ્લામાં આગામી 24 કલાકમાં ભારે વરસાદની ચેતવણી આપી છે.

ઉત્તરાખંડમાં વરસાદથી વિનાશ

ઉત્તરાખંડમાં વરસાદથી વિનાશ

ભારતીય હવામાન વિભાગના જણાવ્યા મુજબ આગામી 24 કલાકોમાં ઉત્તરાખંડ, પશ્ચિમ ઉત્તર પ્રદેશ, પૂર્વી મધ્ય પ્રદેશ, વિદર્ભ અને છત્તીસગઢમાં ભારેથી અતિ ભારે વરસાદની સંભાવના છે. વિભાગના જણાવ્યા મુજબ હાલમાં ઉત્તરાખંડમાં અલકનંદા છલકાઈ રહી છે એટલા માટે લોકોને સાવચેત કરવામાં આવ્યા છે. ઉત્તરકાશી, ચમોલી, દહેરાદૂન, ટિહરી અને હરિદ્વારમાં ભારે વરસાદની ચેતવણી આપવામાં આવી છે. આ એલર્ટ 19 ઓગસ્ટ સુધી માટે છે.

હિમાચલમાં 22 લોકોના મોત

હિમાચલમાં 22 લોકોના મોત

વળી, હિમાચલ પ્રદેશમાં ભારે વરસાદથી નદી-નાળા છલકાઈ રહ્યા છે. રાજ્યમાં છેલ્લા 24 કલાકમાં વાદળ ફાટવા અને ભૂસ્ખલનથી ચાર મહિલાઓ સહિત 9 લોકોના જીવ ગયા. રાજ્યમાં અત્યાર સુધી વરસાદ, વાદળ ફાટવા અને ભૂસ્ખલનમાં 22 લોકોએ જીવ ગુમાવ્યા છે.

આ પણ વાંચોઃ અરુણ જેટલીની સ્થિતિ અત્યંત નાજુક, ડૉક્ટરોએ ECMO અને IABP સપોર્ટ પર મૂક્યાઆ પણ વાંચોઃ અરુણ જેટલીની સ્થિતિ અત્યંત નાજુક, ડૉક્ટરોએ ECMO અને IABP સપોર્ટ પર મૂક્યા

શિમલા અને કુલ્લુ શાળા અને કોલેજો બંધ

શિમલા અને કુલ્લુ શાળા અને કોલેજો બંધ

હવામાન વિભાગે હિમાચલ પ્રદેશમાં ભારે વરસાદ માટે રેડ એલર્ટ આપ્યુ છે. શિમલા અને કુલ્લુ જિલ્લા પ્રશાસને સોમવારે બધી શૈક્ષણિક સંસ્થાઓ બંધ રાખવાનો નિર્ણય કર્યો છે. હવામાન વિભાગે બિલાસપુર, કાંગડા, મંડી, શિમલા, સોલન અને સિરમૌર જિલ્લામાં વરસાદ માટે રેડ એલર્ટ આપ્યુ છે. જ્યારે ઉના, હમીરપુરમાં ઓરેન્જ અને ચંબા, કુલ્લુ, કિન્નૌર જિલ્લામાં યલો એલર્ટ આપ્યુ છે.

અહીં પણ વરસશે વાદળ

અહીં પણ વરસશે વાદળ

એટલુ જ નહિ હવામાન વિભાગે દક્ષિણ કર્ણાટકમાં પણ આગામી અમુક કલાકોમાં ભારે વરસાદની સંભાવના વ્યક્ત કરી છે. વિભાગ અનુસાર આજે કોગાડુ, ચિક્કમંગલુરુ અને દક્ષિણ કન્નડ જિલ્લાઓમાં ભારે વરસાદ થવાની સંભાવના છે. આ ઉપરાંત રાજ્યના અન્ય ક્ષેત્રોને વરસાદથી રાહત મળવાની અપેક્ષા છે. ચોમાસુ સક્રિય રહેવાના કારણે કોડાગુ, ચિક્કમંગલુરુ અને દક્ષિણ કન્નડ જિલ્લામાં પશ્ચિમી તટ પર આગામી બે દિવસો ઝડપી પવન સાથે ભારે વરસાદનું અનુમાન વ્યક્ત કરવામાં આવ્યુ છે.

English summary
very heavy rain expected in next 24 hours in 14 states of india,red alert in himachal uttarakhand
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X