Video: ગર્મીના કારણે ઘોડાને એવા ચક્કર આવ્યા કે કારમાં અટવાઇ ગયો
જયપુરમાં બની અજબ ઘટના ઘોડોને કાર વચ્ચે થયો એવો અકસ્માત કે ઘોડો કારમાં ભરાયો. જો કે બિચારા અબોલ પ્રાણીની સ્થાનિકોએ કરી મદદ. પણ ઘોડોના કારમાં ફસાયેલો આવો વીડિયો તમે નહીં જોયો હોય.
સમગ્ર ઉત્તર ભારતમાં ગરમીનો પારો 45 ડિગ્રીને પહોંચવા જઇ રહ્યો છે. આવી ગરમીમાં ભલ ભલાનો પિત્તો જાય અને ભલ ભલાને લૂના માર્યા ચક્કર પણ આવી શકે. પણ આ ચક્કરના ચક્કરમાં એક ઘોડો એવો અટવાયો કે ઉલમાંથી ચૂલમાં પડ્યો. વાત જયપુરની છે જ્યાં ભડ ભડ બળતી ગરમીમાં ઘોડા અને કારની ટક્કર થઇ અને પછી તે ટકરાવમાં ઘોડો ખૂબ જ ખરાબ રીતે કારમાં ફસાઇ ગયો. જે પછી ઘોડાને બચાવવા માટે લોકો ભેગા થઇ ગયા. વળી આ ઘટનાનો એક વીડિયો પણ હાલ વાયરલ થયો છે. જેને જોઇને એક મિનિટ માટે તમે પણ વિચારમાં પડી જશો કે ઘોડો આવો તો કેવી રીતે અંદર કારમાં ફસાઇ ગયો?
ગત રવિવારે જયપુરમાં એક અજીબો ગરીબ અકસ્માત થયો. એક ગાડી અને ઘોડો વચ્ચે થયેલા આ અકસ્માતમાં ઘોડો કાચ તોડી કારની અંદર ઘૂસી ગયો. જો કે આ ઘટનામાં ઘોડા અને કાર ડ્રાઇવરને હળવી ઇજાઓ આવી છે. લોકોની મદદથી ઘોડોને બહાર નીકળવામાં આવ્યો હતો. મીડિયો રિપોર્ટ મુજબ ઘોડાવાળાએ ઘોડાને બાંધીને રાખ્યો હતો પણ ગરમીના કારણે ઘોડા લગામ છોડી ભાગી ગયો અને સામે આવી રહેલી કાર સાથે અથડાઇ ગયો. કાર સાથે અથડાતા જ તે કારના કાચને તોડી અંદર વીડિયોમાં દેખાય છે તેમ ફસાઇ ગયો. જો કે ખુશીને વાત તો એ છે કે 10 મિનિટ પછી ઘોડાને ગાડીની બહાર સહીસલામત રીતે નીકાળવામાં આવ્યો હતો. ત્યારે જુઓ આ વીડિયો....
#WATCH Horse broke into a car's windshield after collision between the two. Horse and car driver suffered injuries #Jaipur (04 June) pic.twitter.com/YxN2CBFw4s
— ANI (@ANI_news) June 5, 2017