Video: મુંબઇ પોલીસની હેવાનિયત, મધરાત્રે કપલને ઢોર માર માર્યો

"સદ્રક્ષણાય ખલનિગ્રહણાય" (અચ્છાઇની જીત, બુરાઇનો ખાત્મો) કહેવાવાળી મુંબઇ પોલીસનો એક એવો ચહેરો સામે આવ્યો છેકે જેને જોયા બાદ તમને ખાકી યુનિફોર્મથી નફરત થઇ જશે. મામલો અંધેરી પોલીસ સ્ટેશનનો છે. એક વિડીયો સામે આવ્યો છે, જેમા પોલીસ કર્મચારીઓ પોલીસ સ્ટેશનની અંદર એક કપલને ઢોર માર મારી રહ્યાં છે. આ પ્રેમી જોડાની ભૂલ માત્ર એટલી જ હતી કે તેઓ મોડી રાત્રે રસ્તા પર જોરશોરથી લડી રહ્યાં હતા.

આરોપી પોલીસ કર્મચારીઓની ઓળખ થઇ ચૂકી છે. અને મુંબઇ પોલીસ કમિશ્નરે તપાસના આદેશ પણ આપી દીધા છે. આ મામલો 2 નવેમ્બરનો છે. જાણકારી મુજબ અંધેરી પોલીસ સ્ટેશનમાં રાત્રે લગભગ 12 વાગ્યે પોલીસ વાળા બિલકુલ ફિલ્મી સ્ટાઇલમાં એક કપલને પકડીને લઇ આવ્યા હતા. આ કપલ રસ્તા પર ઝઘડો કરી રહ્યું હતુ પણ પોલીસને મામલો છેડતીનો લાગ્યો. પોલીસે બંનેને તરત જ પકડી પાડ્યા અને અંધેરી પોલીસ સ્ટેશન લઇ ગઇ. પોલીસ સ્ટેશનમાં છોકરીએ કહ્યું કે તે બંને મિત્રો છે, અને માફી પણ માંગે છે કે તેઓ ભવિષ્યમાં ઝઘડો નહીં કરે.

ત્યારબાદ પણ પોલીસવાળાઓએ બંનેને ઢોર માર માર્યો હતો. આ ઘટના જ્યારે પોલીસ સ્ટેશનમાં બની રહી હતી ત્યારે એક NGOનો વ્યક્તિ પણ ત્યાં ઉપસ્થિત હતો તેણે આ આખીય ઘટનાનો વિડીયો બનાવી લીધો. હવે આ વિડીયો વાઇરલ થઇ ગયો છે. તમને જણાવી દઇકે યુવક અને યુવતી ટેક મહિન્દ્રાના કોલ સેન્ટરમાં કામ કરે છે. અને 2 નવેમ્બરે તેઓ ઓફિસથી ઘરે જવા માટે મેટ્રો સ્ટેશન જઇ રહ્યાં હતા.

English summary

A video showing Mumbai Police beating up two young guys including a girl inside a police station went viral on social media. In the video, Mumbai cops are seen abusing and thrashing a young couple while the girl is screaming for mercy.The footage is from Andheri Police station.