For Quick Alerts
ALLOW NOTIFICATIONS  
For Daily Alerts
Oneindia App Download

VIDEO: કિરણ બેદીને દોહિત્રીએ કહ્યુ, ‘શરમ આવે છે તમને નાની કહેતા', લગાવ્યા ગંભીર આરોપ

સેલ્ફી વીડિયોમાં છોકરીએ આરોપ લગાવ્યો છે કે પુડ્ડુચેરીના રાજ્યપાલ અને પૂર્વ પોલિસ અધિકારી કિરણ બેદી પોતાની વગનો ઉપયોગ કરીને તેના પપ્પા અને તેમના દોસ્તોને હેરાન કરી રહી છે.

|
Google Oneindia Gujarati News

સોશિયલ મીડિયા પર એક વીડિયો વાયરલ થઈ રહ્યો છે જેમાં 12-13 વર્ષની છોકરી પોતાને કિરણ બેદીની દોહિત્રી ગણાવી રહી છે. છોકરીએ પોતાનું નામ મેહર બારુછા બતાવ્યુ જે કિરણ બેદીની દીકરીની દીકરી છે. સેલ્ફી વીડિયોમાં છોકરીએ આરોપ લગાવ્યો છે કે પુડ્ડુચેરીના રાજ્યપાલ અને પૂર્વ પોલિસ અધિકારી કિરણ બેદી પોતાની વગનો ઉપયોગ કરીને તેના પપ્પા અને તેમના દોસ્તોને હેરાન કરી રહી છે. છોકરી કહી રહી છે, નાની અમે તમારી સાથે રહેવા નથી ઈચ્છતા, પછી તમે કેમ અમારી સાથે જબરદસ્તી કરી રહ્યા છો? વીડિયો ઘરમાં બનાવવામાં આવ્યો છે અને છોકરીએ પોતાના પિતાને પણ બતાવ્યા છે જે બીજા રૂમમાં બેઠેલા જોવા મળી રહ્યા છે.

મા ચંપલોથી મારે છે પિતાને, થૂકે પણ છે

મા ચંપલોથી મારે છે પિતાને, થૂકે પણ છે

મેહરે જણાવ્યુ કે તેની મા (કિરણ બેદીની દીકરી) તેના પપ્પા (કિરણ બેદીના જમાઈ) ને ચંપલોથી મારે છે, તેમના પર થૂકે છે અને હિંસા પણ કરે છે. પોતાના પિતાને પ્રતાડિત કરાવાથી ત્રાસિ ગયેલી મેહર પોતાના પિતા પાસે રહેવા જતી રહી છે.

પિતા સાથે સુરક્ષિત છુ અને ખુશ પણ

વાસ્તવમાં કિરણ બેદીએ પોતાની દોહિત્રીના ગુમ થવાનો રિપોર્ટ નોંધાવ્યો હતો જેનો જવાબ આપવા માટે મેહરે વીડિયો બનાવીને તેને સોશિયલ મીડિયા પર અપલોડ કરી પોતાના સુરક્ષિત હોવાની માહિતી આપી અને જણાવ્યુ કે તે પોતાના પિતા સાથે સુરક્ષિત છે અને ખુશ છે.

વીડિયોમાં મેહરે કહ્યુ - પહેલા ક્યાં હતી કિરણ બેદી

વીડિયોમાં મેહરે કહ્યુ - પહેલા ક્યાં હતી કિરણ બેદી

વીડિયોમાં મેહરે એ પણ કહ્યુ કે તે પોતાના પિતા સાથે રહેવા ઈચ્છે છે. મેહરે વીડિયોમાં એ પણ કહ્યુ કે જ્યારે મા-બાપ વચ્ચે ઝઘડો ચાલી રહ્યો હતો ત્યારે કિરણ બેદી એમ કહીને છટકી ગયા હતા કે તે પતિ-પત્ની વચ્ચે આવવા નથી ઈચ્છતા પરંતુ હવે તે પોલિસનો ઉપયોગ કરીને તેના પિતા અને તેમના દોસ્તોને હેરાન કરી રહ્યા છે. તમને જણાવી દઈએ કે ટ્વીટર પર આ વીડિયો સૌથી પહેલા દીપિકા ભારદ્વાજે પોસ્ટ કર્યો. દીપિકાએ પોતાને સ્વતંત્ર પત્રકાર અને ફિલ્મ મેકર બતાવી છે.

શું કહેવુ છે કિરણ બેદીનું આ અંગે

શું કહેવુ છે કિરણ બેદીનું આ અંગે

જ્યારે એક અંગ્રેજી વર્તમાનપત્રએ કિરણ બેદીની પ્રતિક્રિયા માંગી તો તેમણે કહ્યુ કે આ કેસ હવે બંધ થઈ ચૂક્યો છે. મને લાગે છે કે યુ ટ્યુબને પણ નોટિસ આપવામાં આવી છે અને બાળકીને પણ કહ્યુ છે કે તે પોતાના અકાઉન્ટ પરથી આ વીડિયો હટાવી લે. મે કોર્ટનો આદેશ જોયો નથી પરંતુ પોતાના વકીલને બતાવી દીધો છે. એટલે મારા રિએક્શનની કોઈ જરૂર નથી. કેસમાં બાળકી શામેલ છે એટલે આ વધુ ગંભીર બની જાય છે. મને ખબર નથી અત્યારે આના પર શું કમેન્ટ કરવી જોઈએ. ઉલ્લેખનીય છે કે કિરણ બેદીની દીકરીનું નામ સાઈના છે જેના લગ્ન એક લેખક સાથે થયા છે સાઈના સોશિયલ વર્કર છે.

આ પણ વાંચોઃ વર્ધામાં પીએમ મોદીના ભાષણની કોંગ્રેસે કરી ફરિયાદ, EC એ માંગ્યો રિપોર્ટઆ પણ વાંચોઃ વર્ધામાં પીએમ મોદીના ભાષણની કોંગ્રેસે કરી ફરિયાદ, EC એ માંગ્યો રિપોર્ટ

English summary
Video of girl hitting out at grandma Kiran Bedi goes viral.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X