સોપોરમાં બુરખો પહેરેલી મહિલાએ CRPF ચેક પોસ્ટ પર ફેંક્યો બૉમ્બ, સામે આવ્યો વીડિયો

જમ્મુ કાશ્મીરના સોપોરમાં સનસનીખેજ વીડિયો સામે આવ્યો છે.

શ્રીનગરઃ જમ્મુ કાશ્મીરના સોપોરમાં સનસનીખેજ વીડિયો સામે આવ્યો છે. વીડિયોમાં બુરખો પહેરેલી એક મહિલા જોવા મળી રહી છે જે સોપોરમાં સ્થિત એક સીઆરપીએફ બંકર પર બૉમ્બ ફેંકી દે છે. આ વીડિયોને ખુદ સીઆરપીએફે જાહેર કર્યો છે. વીડિયોમાં જે મહિલા સીઆરપીએફ ચેક પોસ્ટ પર બૉમ્બ ફેંકી રહી છે તેની ઓળખ થઈ ગઈ છે. જમ્મુ કાશ્મીરના આઈજીપી વિજય કુમારે જણાવ્યુ કે સોપોરમાં સીઆરપીએફ બંકર પર બૉમ્બ ફેંકનારી મહિલાની ઓળખ થઈ ગઈ છે. તેની બહુ જલ્દી ધરપકડ કરવામાં આવશે.

ફૂટેજમાં જોઈ શકાય છે કે મહિલા સીઆરપીએફ ચેક પોસ્ટ પાસે રસ્તા વચ્ચે અચાનક રોકાય છે. પછી મહિલા પોતાના પર્સને ખોલે છે અને તેમાંથી બૉમ્બ કાઢીને તેને ચેક પોસ્ટની અંદર નાખી દે છે અને ત્યારબાદ તે ઘટના સ્થળેથી ભાગી જાય છે. પોલિસનુ કહેવુ છે કે આ બૉમ્બ ચેક પોસ્ટની બહાર જઈને પડ્યો જેના કારણે કોઈ ઘાયલ ના થયુ અને કોઈનુ મોત પણ થયુ નથી. ઘટના બાદ તરત જ વિસ્તારને સંપૂર્ણપણે ઘેરી લેવામાં આવ્યો હતો. પોલિસનુ કહેવુ છે કે બૉમ્બ ફેંકનારી મહિલાની ઓળખ થઈ ગઈ છે અને તેની જલ્દી ધરપકડ કરી લેવામાં આવશે.

#WATCH Bomb hurled at CRPF bunker by a burqa-clad woman in Sopore yesterday#Jammu&Kashmir

(Video source: CRPF) pic.twitter.com/Pbqtpcu2HY

— ANI (@ANI) March 30, 2022

English summary

Video of Woman in Burqa hurled a bomb at CRPF check post surfaces.