ભાજપા છોડનાર નીતિશ કુમારને મળ્યું કોંગ્રેસમાં જોડાવાનું આમંત્રણ

મુંબઇ, 16 જૂન : ભાજપા-જેડીયૂ ગઠબંધન હવે તૂટવાના આરે છે. નીતિશ ભલે ભાજપા સાથે છેડો ફાડવાનું મન બનાવી રહ્યા હોય, પરંતુ કોંગ્રેસે નીતિશ માટે પોતાના માર્ગો ખોલી દીધા છે. કોંગ્રેસે ભલે જાહેરમાં કંઇ ના કહ્યું હોય પરંતુ, યૂપીએની સહયોગી એનસીપીએ નીતિશ કુમારને આ ઓફર કરી છે.

એનસીપીએ બિહારના મુખ્યમંત્રી નીતિશ કુમારને યૂપીએમાં સામેલ થઇ જવા માટે આમંત્રણ આપ્યું છે. એનસીપી નેતા ડીપી ત્રિપાઠીએ ભાજપા સાથેનો 18 વર્ષ જૂનો સંબંધ તોડવા તૈયાર જેડીયૂના ધર્મનિરપેક્ષ શક્તિઓ સાથે હાથ મિલાવવાનું સ્વાગત કર્યું છે.

ત્રિપાઠીએ ધર્મનિરપેક્ષ શક્તિઓનો અર્થ પણ સ્પષ્ઠ કરતા કહ્યું કે તેઓ કોઇ ફેડરલ ફ્રંટ નહીં, બલકે યુપીએની વાત કરી રહ્યા છે. જે સમયે ડીપી ત્રિપાઠીએ આ વાત કહી ત્યારે એનસીપીના શરદ પવાર પણ હાજર હતા.

અત્રે ઉલ્લેખનીય છે કે નીતિશ કુમાર પશ્ચિમ બંગાળ અને ઓડિશામાં પોતાના સમકક્ષ મુખ્યમંત્રિયો ક્રમશ: મમતા બેનર્જી અને નવીન પટનાયકની સાથે ફેડરલ ફ્રંટ બનાવવાની કવાયદમાં લાગી ગયા છે. કોઇ મોર્ચાને સાથે લેવાની સંભાવનાઓને નકારતા ત્રિપાઠીએ સ્પષ્ઠ કર્યું છે કે અમે યૂપીએનો ભાગ છીએ, માટે કોઇ અન્ય ગઠબંધનની સાથે નથી.