Weather Update: શીત લહેર અને ધૂમ્મસનો પ્રકોપ યથાવત, બે દિવસ વરસાદની સંભાવના, જાણો ક્યારે મળશે ઠંડીથી રાહત
Weather Update: પહાડો પરથી આવતા ઠંડા પવનોને કારણે મેદાની વિસ્તારોમાં ઠંડીમાં એકાએક વધારો થયો છે. ધૂમ્મસ અને શીત લહેરનો પ્રકોપ જોવા મળી રહ્યો છે. ઠંડીના આ બેવડા હુમલાથી જનજીવન પર માઠી અસર પડી રહી છે. વળી, ધુમ્મસના કારણે ટ્રેનો અને ફ્લાઇટો પણ પ્રભાવિત થઈ રહી છે.
પ્રાદેશિક હવામાન વિભાગના જણાવ્યા અનુસાર સોમવારથી તાપમાનનો પારો વધશે. આ સમયગાળા દરમિયાન લઘુત્તમ તાપમાન સાત ડિગ્રી અને મહત્તમ તાપમાન 22 ડિગ્રી સેલ્સિયસ રહેવાની શક્યતા છે. જો કે, મધ્યમ ધૂમ્મસ અને તીવ્ર ઠંડીના પ્રકોપનો સામનો કરવો પડશે.
હવામાન વિભાગના જણાવ્યા અનુસાર બે-ચાર દિવસ સુધી વાદળછાયુ વાતાવરણ રહેશે. 31મી અને 1લી ફેબ્રુઆરીએ હળવા વરસાદની શક્યતા છે. તમને જણાવી દઈએ કે શનિવારે દિલ્હી-એનસીઆરમાં હવામાનમાં અચાનક પલટો આવ્યો હતો. આખો દિવસ ગરમીનો માહોલ જોવા મળ્યો હતો. જેના પરિણામે સૌ કડકડતી ઠંડીથી રાહતની આશા રાખીને બેઠા હતા પરંતુ, બીજે જ દિવસે સૂર્ય અદૃશ્ય થઈ ગયો. ધૂમ્મસ અને શીત લહેરોએ ફરી હુમલો કર્યો. જેના કારણે આખો દિવસ વાદળછાયું વાતાવરણ રહ્યું હતું.
હવામાન વિભાગના જણાવ્યા અનુસાર આખા સપ્તાહ દરમિયાન ધૂમ્મસ રહેવાની સંભાવના છે. દિવસ દરમિયાન પણ સૂર્યપ્રકાશની શક્યતા ઓછી છે. ધૂમ્મસના કારણે રવિવારે દિલ્હી એરપોર્ટ પરથી 50 વિમાનોએ મોડી ઉડાન ભરી હતી. વળી, 40થી વધુ ટ્રેનો પણ મોડી પડી હતી. જેના કારણે મુસાફરોને તેમના ગંતવ્ય સ્થાને પહોંચવામાં લાંબો સમય વિલંબ થતો હતો.
હવામાન વિભાગના જણાવ્યા અનુસાર, ધૂમ્મસ અને કોલ્ડવેવ એકસાથે એક સપ્તાહ એટલે કે 7 દિવસ માટે મુશ્કેલી ઊભી કરશે. દિવસ દરમિયાન સૂર્યની ગરમીથી થોડી રાહત મળે તેવી શક્યતા છે. પરંતુ સાંજ સુધીમાં ઠંડી સામાન્ય સ્થિતિમાં પાછી ફરતી જોવા મળશે. શીત લહેરના કારણે ઠંડી વધશે. હવામાન વિભાગે 31મી અને 1લી ફેબ્રુઆરીએ હળવા વરસાદની શક્યતા પણ વ્યક્ત કરી છે.
Click it and Unblock the Notifications
Sign in with Google
