Weather Update: દિલ્હીમાં વધવાની છે ઠંડી, સીઝનમાં પહેલીવાર આટલુ નીચે ગયુ તાપમાન
દેશના ઘણા ભાગોમાં હવે મહિનાઓથી બંધ પડેલા રજાઇ અને ધાબળા બહાર કાઢવામાં આવ્યા છે. જેમ જેમ ઠંડી વધી રહી છે તેમ તેમ લોકોના શરીર પર કપડાની સંખ્યા પણ વધી રહી છે. રાજધાની દિલ્હીમાં હવામાનમાં અચાનક પલટો આવ્યો હતો અને શુક્રવારે સ
દેશના ઘણા ભાગોમાં હવે મહિનાઓથી બંધ પડેલા રજાઇ અને ધાબળા બહાર કાઢવામાં આવ્યા છે. જેમ જેમ ઠંડી વધી રહી છે તેમ તેમ લોકોના શરીર પર કપડાની સંખ્યા પણ વધી રહી છે. રાજધાની દિલ્હીમાં હવામાનમાં અચાનક પલટો આવ્યો હતો અને શુક્રવારે સવારે લઘુત્તમ તાપમાન 12.6 ડિગ્રી સેલ્સિયસ નોંધાયું હતું. ભારતીય હવામાન વિભાગના જણાવ્યા અનુસાર, આગામી દિવસોમાં દિલ્હીનો પારો સતત નીચે જઈ શકે છે. ગયા ગુરુવારે પણ લઘુત્તમ તાપમાન સામાન્ય કરતાં 3 ડિગ્રી ઓછું નોંધાયું હતું.
દિલ્હીમાં ઠંડીએ દસ્તક આપી
દિલ્હી-NCR સહિત ઉત્તર ભારતના ઘણા રાજ્યોમાં ઠંડી વધી રહી છે. ભારતીય હવામાન વિભાગે શુક્રવારે લઘુત્તમ તાપમાન 12.6 ડિગ્રી સેલ્સિયસ નોંધ્યું હતું, જ્યારે મહત્તમ તાપમાન 24 ડિગ્રી સેલ્સિયસની આસપાસ રહી શકે છે. આ સિવાય આગામી 24 કલાકમાં દિલ્હીનું લઘુત્તમ તાપમાન 11 ડિગ્રી સેલ્સિયસ સુધી ઘટી શકે છે. વધતી જતી ઠંડીના કારણે લોકો ધ્રુજારી પણ અનુભવી શકે છે.
પર્વતો પર હિમવર્ષા
ઉલ્લેખનીય છે કે, પહાડો પર થઈ રહેલી હિમવર્ષાને કારણે દિલ્હી-એનસીઆર, પંજાબ, હરિયાણા, ઉત્તર પ્રદેશ સહિત ઘણા રાજ્યોમાં હવામાનમાં ફેરફાર જોવા મળી રહ્યા છે. આ વર્ષે શિયાળાની સિઝનમાં પહેલીવાર દિલ્હીમાં લઘુત્તમ તાપમાન 12.6 ડિગ્રી સેલ્સિયસને સ્પર્શ્યું છે. આ ઉપરાંત સવારથી આછું ધુમ્મસ પણ છવાયું છે. દરમિયાન, હવામાન વિભાગના જણાવ્યા અનુસાર, શુક્રવારે દિલ્હીનું આકાશ આંશિક વાદળછાયું છે.
તાપમાનનો પારો 10 કે 11 ડિગ્રી સુધી ઘટી શકે છે
હવામાન વિભાગની આગાહી મુજબ આગામી બે દિવસમાં તાપમાનનો પારો 10 કે 11 ડિગ્રી સેલ્સિયસ નીચે આવી શકે છે. આ દરમિયાન હવામાં પ્રદુષણ વધવાની સંભાવના છે. સ્કાયમેટ વેધરના વાઇસ પ્રેસિડેન્ટ મહેશ પલાવતના જણાવ્યા અનુસાર, હાલમાં દિલ્હી-એનસીઆરમાં પ્રદૂષણથી રાહત મળવાની શક્યતાઓ ઘણી ઓછી છે. તાપમાનમાં ઘટાડાની સાથે પરસ બાળવાના બનાવો વધશે. આ સ્થિતિમાં, પ્રદૂષણની સંભાવના વધારે છે.
Delhi records a minimum temperature of 12.6 Degrees Celsius today: India Meteorological Department (IMD) pic.twitter.com/xR48TfWjx1
— ANI (@ANI) November 12, 2021