Weather Update: દિલ્લી-NCRમાં ગાઢ ધૂમ્મસ, હિમાચલમાં હિમ વર્ષા, ઘણા જિલ્લાઓમાં યલો એલર્ટ
Weather Update: દિલ્હી, એનસીઆર, ઉત્તર પ્રદેશ, નોઈડા, હરિયાણામાં આજે ગાઢ ધૂમ્મસની ચાદર જોવા મળી રહી છે. ગાઢ ધૂમ્મસને જોતા દિલ્હી એરપોર્ટ પર મુસાફરો માટે એડવાઈઝરી જાહેર કરવામાં આવી છે કે દિલ્હી એરપોર્ટ પર લેન્ડિંગ અને ટેકઓફ ચાલુ રહેશે પરંતુ એરક્રાફ્ટ જેઓ કેટ 3થી સજ્જ નથી તેઓને અસર થશે. મુસાફરોને આ અંગે સંબંધિત એરલાઈન્સનો સંપર્ક કરવા વિનંતી કરવામાં આવી છે.
દિલ્હી-એનસીઆરમાં કડકડતી ઠંડીના કારણે લોકોને ભારે મુશ્કેલીઓનો સામનો કરવો પડી રહ્યો છે. હવામાન વિભાગ દ્વારા કહેવામાં આવ્યું છે કે દિલ્હી, પંજાબ, હરિયાણા, ઉત્તર પશ્ચિમ રાજસ્થાન, પૂર્વી યુપીમાં પણ આ જ પ્રકારનું ગાઢ ધૂમ્મસ જોવા મળી રહ્યું છે.
હિમાલયની ઊંચી ટેકરીઓ પર ભારે હિમવર્ષા થઈ રહી છે. મંગળવારે અહીં વરસાદની સાથે ભારે હિમવર્ષા પણ જોવા મળી હતી. હવામાન વિભાગના જણાવ્યા અનુસાર 3 ફેબ્રુઆરી સુધી હિમવર્ષા અને વરસાદ ચાલુ રહેશે. આગામી દિવસોમાં વરસાદ અને હિમવર્ષા વધવાની સંભાવના છે.
હવામાન વિભાગે કહ્યું છે કે હવામાનમાં આ ફેરફાર સતત બે વેસ્ટર્ન ડિસ્ટર્બન્સના કારણે થયો છે. હવામાન વિભાગે કહ્યું છે કે લાહૌલ-સ્પીતિ, કિન્નૌર, ચંબા, કુલ્લુ અને મંડી, સિરમૌર, શિમલા જિલ્લામાં આગામી દિવસોમાં વરસાદ અને હિમવર્ષા વધી શકે છે. જે તસવીરો સામે આવી છે તેમાં જોઈ શકાય છે કે લાહૌલ અને સ્પીતિ જિલ્લામાં હાલમાં હિમવર્ષા થઈ છે.
આ દરમિયાન હવામાન વિભાગ દ્વારા હિમાચલ પ્રદેશમાં ઘણી જગ્યાએ યલો એલર્ટ જાહેર કરવામાં આવ્યું છે. હવામાન વિભાગે આગાહી કરી છે કે આગામી 48 કલાકમાં ઊંચા પહાડી વિસ્તારોમાં વરસાદ અને હિમવર્ષા થવાની પ્રબળ સંભાવના છે.
આ સાથે જ 31 જાન્યુઆરીએ જમ્મુ-કાશ્મીર, હિમાચલ પ્રદેશ, પંજાબ અને હરિયાણામાં છૂટાછવાયા કરા પડી શકે છે. જ્યારે ઉત્તરાખંડમાં 31 જાન્યુઆરી અને 1 ફેબ્રુઆરીએ છૂટાછવાયા કરા પડી શકે છે. ગઈકાલે રાત્રે દિલ્હી અને હરિયાણામાં ગાઢ ધૂમ્મસની ચાદર જોવા મળી હતી. અહીં ગાઢ ધૂમ્મસને કારણે વિઝિબિલિટીમાં નોંધપાત્ર ઘટાડો થયો હતો, જેના કારણે વાહનોની અવરજવરમાં મુશ્કેલી પડી હતી.
પંજાબ, હરિયાણા, ચંદીગઢ અને દિલ્હીમાં 30-40 કિલોમીટરની ઝડપે ઠંડા પવનો ફૂંકાઈ શકે છે. હવામાન વિભાગે અરુણાચલ પ્રદેશમાં આગામી 7 દિવસ એટલે કે 5 ફેબ્રુઆરી સુધી વરસાદ અને હિમવર્ષાની સંભાવના વ્યક્ત કરી છે. પશ્ચિમ બંગાળ, સિક્કિમ, આસામ, મેઘાલય, નાગાલેન્ડ, મિઝોરમ, મણિપુર, ત્રિપુરામાં 31 જાન્યુઆરીથી 2 ફેબ્રુઆરી વચ્ચે વરસાદની શક્યતા છે.
Click it and Unblock the Notifications
Sign in with Google
