Weather Updates: ગુજરાત સહિત દેશના આ રાજ્યોમાં આજે આવશે વરસાદ
દેશની રાજધાનીમાં આજે સવારે જ જોરદાર વાદળો વરસ્યા છે. જાણો આજે કયા રાજ્યોમાં પડશે વરસાદ.
નવી દિલ્લીઃ દેશની રાજધાનીમાં આજે સવારે જ જોરદાર વાદળો વરસ્યા છે ત્યારબાદ તાપમાનમાં ઘટાડો આવ્યો છે પરંતુ ઠેર-ઠેર પાણી ભરાઈ ગયા છે જેના કારણે અવરજવર કરનાર લોકોને મુશ્કેલીનો સામનો કરવો પડી રહ્યો છે. તમને જણાવી દઈએ કે ભારતીય હવામાન વિભાગે પોતાની લેટેસ્ટ અપડેટમાં કહ્યુ છે કે આગામી બે કલાક દરમિયાન મુરાદાબાદ, રામપુર, અમરોહા, મિલક(યુપી), દિલ્લી-એનસીઆર(ગુરુગ્રામ,ગ્રેટર નોઈડા, નોઈડા, હાપુડ, હાંસી, હિસાર, ગોહાના)માં જોરદાર વરસાદ થવાની સંભાવના છે અને તેને કારણે આઈએમડીએ અહીં એલર્ટ આપ્યુ છે.
દિલ્લીમાં ચાર દિવસ માટે અપાયુ એલર્ટ
ઉલ્લેખનીય છે કે હવામાન વિભાગે પહેલેથી જ દિલ્લીમાં ચાર દિવસ માટે એલર્ટ આપેલુ હતુ. વિભાગનુ કહેવુ છે કે ચોમાસુ પોતાના અંતિમ દોરમાં છે અને ચક્રવાતી દબાણ બંગાળની ખાડી ઉપર બનેલુ છે જેના કારણે નૉર્થ ઈન્ડિયામાં જોરદાર વરસાદ થઈ રહ્યો છે. વરસાદનો દોર દિલ્લીમાં આગલા 4 દિવસ સુધી આમ જ ચાલુ રહેશે. વળી, હિમાચલ, લદ્દાખ અને જમ્મુ-કાશ્મીરમાં પણ સાંજ સુધી હળવો વરસાદ થઈ શકે છે.
પશ્ચિમ-દક્ષિણમાં પણ આજે વરસાદ થઈ શકે છે
દિલ્લીમાં જ નહિ પરંતુ આજે ભારતના બીજા ઘણા રાજ્યોમાં ભારે વરસાદના અણસાર છે. હવામાન વિભાગના જણાવ્યા મુજબ આજે ગુજરાતમાં ઉત્તર, દક્ષિણ અને મધ્ય ગુજરાત તથા સૌરાષ્ટ્ર કચ્છ સહિતના વિસ્તારોમાં મધ્યમથી ભારે વરસાદની સંભાવના છે. વળી,, રાજસ્થાન, ઉત્તર પ્રદેશ, છત્તીસગઢ, મહારાષ્ટ્ર, કોંકણ, એમપીમાં ભારે વરસાદની સંભાવના છે. વળી, દક્ષિણમાં આજે વાદળો વરસી શકે છે. આઈએમડીના જણાવ્યા મુજબ કર્ણાટક, તમિલનાડુ, તેલંગાના, આંધ્ર પ્રદેશમાં પણ આજે વરસાદ થઈ શકે છે. જો કે અહીં હળવા વરસાદની આશા છે. હાલમાં બધી જગ્યાએ એલર્ટ છે.
સ્કાઈમેટે પણ આપી ચેતવણી
હવામાનની માહિતી આપતી ખાનગી સંસ્થા સ્કાઈમેટે કહ્યુ છે કે આગલા 24 કલાક દરમિયાન દિલ્લી, ગુજરાત, ઉત્તરાખંડ, હિમાચલ પ્રદેશ, પશ્ચિમ બંગાળ, ઝારખંડ, છત્તીસગઢ, પંજાબ, હરિયાણા, જમ્મુ કાશ્મીરમાં વરસાદના અણસાર છે. વળી, કર્ણાટક, તમિલનાડુ, તેલંગાના, આંધ્ર પ્રદેશમાં હળવો વરસાદ થઈ શકે છે. તેમજ પૂર્વોત્તર રાજ્યોમાં આજે મેઘવર્ષા થઈ શકે છે અને આના કારણે બધા રાજ્યોમાં એલર્ટ જાહેર કરવામાં આવ્યુ છે.