Weather Update: ગુજરાત, એમપી સહિત દેશના આ રાજ્યોમાં ભારેથી અતિ ભારે વરસાદનુ એલર્ટ
Weather Update: ભારતીય હવામાન વિભાગ સહિત અન્ય હવામાન એજન્સીઓએ દેશના ઘણા રાજ્યોમાં વરસાદની ચેતવણી જાહેર કરી છે. સૌરાષ્ટ્ર અને કચ્છ, મધ્યપ્રદેશના માંડલા અને મહારાષ્ટ્રના પુણેમાં ભારેથી અતિભારે વરસાદનુ એલર્ટ આપવામાં આવ્યુ છે.
જ્યારે ગોવા, ગુજરાત, મેઘાલય, છત્તીસગઢ અને હિમાચલ પ્રદેશના ભાગો માટે ઓરેન્જ એલર્ટ છે. આ સ્થળોએ છેલ્લા 24 કલાકથી ભારેથી અતિભારે વરસાદ ચાલુ છે. ભારતીય હવામાન વિભાગ (IMD) એ 24 જુલાઈએ રાજસ્થાનમાં 'અતિ ભારે વરસાદ'ની આગાહી કરી છે.
સિવાય હિમાચલ પ્રદેશ, ઉત્તરાખંડ, ઉત્તર પ્રદેશ અને રાજસ્થાનમાં 26 જુલાઈ સુધી ભારે વરસાદની શક્યતા છે. તે જ સમયે, પંજાબ અને હરિયાણામાં 24 જુલાઈ સુધી ભારે વરસાદની સંભાવના છે. હવામાન વિભાગે 26 જુલાઇ સુધી યુપીના અનેક જિલ્લાઓમાં ભારે વરસાદની આગાહી કરી છે.
ભારતીય હવામાન વિભાગના જણાવ્યા અનુસાર, શનિવાર (27 જુલાઈ) સુધી યુપીના વારાણસી, મિર્ઝાપુર, જૌનપુર, સોનભદ્ર, ચંદૌલી, ગાઝીપુર, પ્રયાગરાજ, લખનૌ અને કાનપુરમાં મુશળધાર વરસાદની સંભાવના છે. આ ઉપરાંત ભારે પવનની આગાહી પણ કરવામાં આવી છે. એવું કહેવામાં આવ્યું છે કે ઘણા વિસ્તારોમાં વરસાદ અને ગાજવીજ પડશે.
ચોમાસું ફરી સક્રિય થવાથી મહારાષ્ટ્ર, ગોવા અને ગુજરાત સહિત અનેક રાજ્યો પર ખતરો ઉભો થયો છે. હવામાન વિભાગે ત્રણેય રાજ્યોમાં આગામી બે-ત્રણ દિવસ માટે ઓરેન્જ એલર્ટ અને ગુજરાત અને ગોવાના ઘણા વિસ્તારોમાં વરસાદ માટે રેડ એલર્ટ જાહેર કર્યું છે. આ સાથે જ મધ્યપ્રદેશના અનેક જિલ્લાઓમાં મુશળધાર વરસાદની આગાહી કરવામાં આવી છે.
મુંબઈમાં છેલ્લા ઘણા દિવસોથી ભારે વરસાદ ચાલુ છે. આવી સ્થિતિમાં પોલીસે લોકોને દરિયાકાંઠાના વિસ્તારોમાંથી દૂર રહેવાની અપીલ કરી છે. આ સિવાય BMCએ લોકોને બિનજરૂરી મુસાફરી ટાળવાની સલાહ આપી છે. BMCએ મહારાષ્ટ્રના કોંકણ ક્ષેત્રના થાણે, પાલઘર, રાયગઢ, રત્નાગીરી અને સિંધુદુર્ગ જિલ્લાઓ માટે આ ચેતવણી જાહેર કરી છે.
Click it and Unblock the Notifications
Sign in with Google
