Weather Update: રાજસ્થાનના ચુરુમાં પારો 50 ડિગ્રીને પાર, જૂનમાં લૂથી મળશે રાહત, દ.માં થશે ચોમાસાની એન્ટ્રી
Weather Update: આ વખતે જૂન મહિનામાં હવામાનમાં મોટો ફેરફાર જોવા મળશે. શરૂઆતના થોડા દિવસો સુધી ગરમી ચરમસીમાએ રહેશે. જો કે હવામાન વિભાગના લેટેસ્ટ અપડેટ મુજબ જૂન મહિનામાં હીટવેવની સ્થિતિમાંથી ચોક્કસ રાહત મળશે, પરંતુ ભેજવાળી ગરમીના કારણે તાપમાનમાં ઘટાડો થવાની કોઈ શક્યતા નથી.
ભારતીય હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સના કારણે અરબી સમુદ્રની આસપાસના વિસ્તારોમાં ભેજને કારણે ઉત્તર પશ્ચિમમાં તોફાન અને પશ્ચિમ હિમાલય વિસ્તારમાં વરસાદની આગાહી છે. આ દરમિયાન ગરમીમાંથી ચોક્કસ રાહત મળશે, પરંતુ ટૂંક સમયમાં હવામાનમાં પલટો આવશે અને આ વિસ્તારોમાં ફરી ભેજવાળી ગરમી વધશે.
IMD અનુસાર, જૂન મહિનો સામાન્ય કરતાં વધુ ગરમ અને વધુ ભેજવાળો રહેવાની ધારણા છે. જો કે, હવામાન વિભાગે જણાવ્યું હતું કે, "ઉત્તર પશ્ચિમ અને મધ્ય ભારતમાં ગંભીર હીટવેવની સ્થિતિ 30 મેથી ધીમે ધીમે ઓછી થવાની ધારણા છે.
રાજસ્થાનના ચુરુમાં તાપમાનનો પારો 50 ડિગ્રી સેલ્સિયસને પાર કરી ગયો છે. અન્ય શહેરોમાં પણ તાપમાન 48-49 ડિગ્રીની આસપાસ નોંધાયું છે. દિલ્હીમાં પણ તાપમાન 50 ડિગ્રીને સ્પર્શી રહ્યું છે. વળી, યુપીના ઝાંસીમાં દિવસનું તાપમાન 49 ડિગ્રી હતું. આગ્રામાં તાપમાન 48.6 ડિગ્રી અને વારાણસીમાં 47.6 ડિગ્રી હતું. લખનૌના ઝોનલ મેટિરોલોજીકલ સેન્ટરના વૈજ્ઞાનિક અતુલ કુમાર સિંહના જણાવ્યા અનુસાર, ઉત્તર પ્રદેશમાં મે મહિનામાં આટલી ગરમી ક્યારેય નથી પડી.
ચુરુ સિવાય રાજસ્થાનના ગંગાનગરમાં 49.4, પિલાની અને ઝુંઝુનુમાં 49, બિકાનેરમાં 48.3, કોટામાં 48.2, જેસલમેરમાં 48 અને જયપુરમાં 46.6 ડિગ્રી તાપમાન નોંધાયું હતું. અગાઉ 2 મે 1999ના રોજ પિલાનીમાં મહત્તમ તાપમાન 48.6 ડિગ્રી નોંધાયું હતું.
દિલ્હીમાં ગરમીએ તમામ રેકોર્ડ તોડી નાખ્યા, મોટાભાગના વિસ્તારોમાં તાપમાનનો પારો 48 ડિગ્રીને પાર કરી ગયો, જ્યારે નજફગઢ વિસ્તારમાં પારો 49.8 ડિગ્રી સુધી પહોંચી ગયો. હવામાન વિભાગના જણાવ્યા મુજબ બુધવારે આકાશ સ્વચ્છ રહેશે જ્યારે તેજ ગરમ પવનોને કારણે લોકો પરેશાન રહેશે.
હવામાન વિભાગના જણાવ્યા અનુસાર ઉત્તર પ્રદેશ, પંજાબ, હરિયાણા-ચંદીગઢ, પશ્ચિમ મધ્યપ્રદેશ, રાજસ્થાન, બિહાર સહિત દેશના ઘણા ભાગોમાં ગરમીના કહેરથી લોકો પરેશાન રહેશે. IMD એ આ રાજ્યોમાં ગરમીને લઈને રેડ એલર્ટ જાહેર કર્યું છે અને સૂચના પણ આપી છે કે આ લોકોએ ઘરની બહાર ઓછું નીકળવું અને પોતાને હાઈડ્રેટ રાખવા. રોગોથી બચવા માટે છત્રી લઈને તડકામાં જાવ.
Click it and Unblock the Notifications
Sign in with Google
