Weather Update: મોસમનો મિજાજ બદલાશે, પહાડો પર હિમવર્ષા સાથે આ રાજ્યોમાં વરસાદની સંભાવના
Weather Update: પહાડો પર ફરી એકવાર હિમવર્ષાથી હવામાનની સુંદરતા બદલાઈ ગઈ છે. કાશ્મીરથી હિમાચલ સુધી ઘણી જગ્યાએ હિમવર્ષા જોવા મળી છે. જેની સીધી અસર મેદાની વિસ્તારો પર પણ પડશે. જોકે હવે ઠંડી ઓછી થઈ ગઈ છે. આવી સ્થિતિમાં ઉત્તર ભારતમાં ફરીથી એક વાર હવામાનમાં ફેરફાર થવા જઈ રહ્યો છે.
પહાડોમાં હિમવર્ષા બાદ મેદાની વિસ્તારોમાં પણ વરસાદની સંભાવના છે. હવામાન વિભાગે દિલ્હી, યુપી, હરિયાણા અને પંજાબ સહિત દેશના ઘણા રાજ્યોમાં વરસાદની આગાહી કરી છે. જેના કારણે હવામાનમાં પલટો જોવા મળી શકે છે.
ભારતીય હવામાન વિભાગ (IMD) એ ઘણા ઉત્તર-પશ્ચિમ રાજ્યોમાં વરસાદની આગાહી કરી છે, જે અંતર્ગત આગામી 2 દિવસમાં જમ્મુ-કાશ્મીર અને હિમાચલ પ્રદેશમાં ભારે વરસાદ અને હિમવર્ષા થવાની સંભાવના છે.
જેના કારણે થોડા દિવસો સુધી ફરી એકવાર ગુલાબી ઠંડી ફરી શકે છે. હવામાન વિભાગના જણાવ્યા અનુસાર, ઉત્તર પ્રદેશ, પંજાબ, દિલ્હી અને મધ્યપ્રદેશમાં ભારે પવન સાથે ભારે વરસાદની સંભાવના છે, જ્યારે રાજસ્થાન અને હરિયાણામાં કરા સાથે હળવાથી મધ્યમ વરસાદની શક્યતા છે.
દિલ્હીમાં શનિવારે એટલે કે આજે વરસાદની સંભાવના છે. જેના કારણે તાપમાનમાં ઘટાડો નોંધાશે. દિલ્હીનું હવામાન બદલાવાનું છે. આકાશ વાદળછાયું રહેશે. આ ઉપરાંત હળવાથી મધ્યમ વરસાદની પણ શક્યતા વ્યક્ત કરવામાં આવી છે.
હવામાન વિભાગે પણ લોકોને ગરમીને લઈને પણ એલર્ટ કરી દીધા છે. હવામાન વિભાગના જણાવ્યા અનુસાર આ વર્ષે ઉનાળાની ઋતુની શરૂઆત અત્યંત ગરમ રહેવાની સંભાવના છે. જે માર્ચથી મે સુધી લોકોને પરેશાન કરશે.
હવામાન વિભાગે અપડેટમાં જણાવ્યું છે કે તેલંગાણા, આંધ્ર પ્રદેશ, ઉત્તર આંતરિક કર્ણાટક, મહારાષ્ટ્ર અને ઓડિશાના ઘણા ભાગોમાં સામાન્ય કરતાં વધુ દિવસો સુધી લૂ ચાલુ રહેવાની સંભાવના છે. બીજી તરફ માર્ચમાં ઉત્તર અને મધ્ય ભારતમાં લૂ આવવાની શક્યતા ઓછી છે.
Click it and Unblock the Notifications
Sign in with Google
