• search
For Quick Alerts
ALLOW NOTIFICATIONS  
For Daily Alerts

Weather: 49 ડિગ્રી પર ઉકળ્યા બાદ દિલ્લીમાં છવાયા વાદળો, ઘણા રાજ્યોમાં વરસાદની સંભાવના, કેરળમાં રેડ એલર્ટ

|
Google Oneindia Gujarati News

નવી દિલ્લીઃ ભીષણ ગરમીએ લોકોએ જીવન મુશ્કેલ બનાવી દીધુ છે. રવિવારે દિલ્લીનુ તાપમાન 49 ડિગ્રી સેલ્સિયસ સુધી જઈ પહોંચ્યુ. લોકોનુ ઘરમાંથી બહાર નીકળવુ મુશ્કેલ થઈ રહ્યુ છે. જો કે, કાલની ગરમી પછી આજે સવારથી હવામાનમાં પલટો આવ્યો છે. હાલમાં દિલ્લીમાં વાદળો છવાયા છે. તમને જણાવી દઈએ કે હવામાન વિભાગે એક દિવસ પહેલા જ કહ્યુ હતુ કે એક વેસ્ટર્ન ડિસ્ટર્બન્સ એક્ટિવ થવાના કારણે દિલ્લીમાં સોમવારથી હવામાન પલટાશે અને આંધી-વરસાદ આવશે.

આજે દિલ્લી-એનસીઆરમાં થઈ શકે છે વરસાદ

આજે દિલ્લી-એનસીઆરમાં થઈ શકે છે વરસાદ

તમને જણાવી દઈએ કે હવામાન વિભાગે જણાવ્યુ કે આજે દિલ્લી-એનસીઆરમાં વરસાદ થઈ શકે છે અને ભારે પવન સાથે આંધી આવવાની પણ સંભાવના છે. આજે દિલ્લીમાં મહત્તમ તેમજ લઘુત્તમ તાપમાન ક્રમશઃ 41 અને 28 ડિગ્રી સેલ્સિયસ રહી શકે છે. દિલ્લીના હવામાનનુ આ રુપ આજથી લઈને ગુરુવાર સુધી રહી શકે છે. વળી, શુક્રવારે એક વાર ફરીથી લોકોને લૂનો સામનો કરવો પડશે અને માટે અત્યારથી શુક્રવાર માટે લૂનુ યલો એલર્ટ જાહેર કરવામાં આવ્યુ છે.

ઘણા રાજ્યોમાં વરસાદના અણસાર

ઘણા રાજ્યોમાં વરસાદના અણસાર

દિલ્હીમાં જ નહિ પરંતુ યુપી, બિહાર, મધ્યપ્રદેશ, છત્તીસગઢ અને ઝારખંડમાં પણ હળવા વરસાદની અપેક્ષા છે. જે લોકોને ગરમીથી રાહત આપશે. જ્યારે રાજસ્થાન અને ગુજરાતમાં લોકોને હીટવેવનો સામનો કરવો પડશે. ઉત્તરાખંડ અને હિમાચલમાં પણ હળવો વરસાદ પડશે.

કેરળમાં રેડ એલર્ટ

કેરળમાં રેડ એલર્ટ

એક તરફ ઉત્તર ભારતની આ સ્થિતિ છે ત્યારે બીજી તરફ દક્ષિણ ભારતમાં ભારે વરસાદની સંભાવના છે. કેરળમાં પાંચ દિવસ સુધી ભારે વરસાદની સંભાવના છે અને તેના કારણે અહી આજથી રેડ એલર્ટ લાગુ છે. માછીમારોને પણ દરિયામાં પ્રવેશતા અટકાવવામાં આવ્યા છે. વળી, આંધ્ર, કર્ણાટક અને તમિલનાડુમાં આજે વરસાદ પડી શકે છે.

બદલાશે હવામાન, મળશે રાહત

બદલાશે હવામાન, મળશે રાહત

વળી, ખાનગી એજન્સી સ્કાયમેટે કહ્યુ છે કે આજે અંદમાન-નિકોબાર ટાપુઓ, કેરળ, કર્ણાટક, સિક્કિમ, ઉપ-હિમાલયન પશ્ચિમ બંગાળ, આંતરિક તમિલનાડુ અને લક્ષદ્વીપ, ઉત્તર પૂર્વ બિહાર, છત્તીસગઢના ભાગોમાં ભારે વરસાદની સંભાવના છે. બીજી તરફ દિલ્હી સહિત ઉત્તર ભારતના ઘણા રાજ્યોમાં હળવો વરસાદ પડી શકે છે.

English summary
Weather Updates: After boiling at 49 degrees clouds in Delhi today, rain likely in many states, Red Alert in Kerala.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X