Weather Updates : માર્ચમાં જ ગરમીથી પરેશાન, પરંતુ અનેક રાજ્યોમાં પડશે વરસાદ
માર્ચ મહિનામાં જ દેશના ઘણા રાજ્યોમાં ગરમી વધી છે, લોકોને પહેલાથી જ ઘરની બહાર નીકળવું મુશ્કેલ થઈ રહ્યું છે. ભારતીય હવામાન વિભાગે તેના નવીનતમ અપડેટમાં જણાવ્યું છે કે, 'લોકોને આગામી દિવસોમાં ગરમીથી રાહત મળવાની નથી.
Weather Updates : માર્ચ મહિનામાં જ દેશના ઘણા રાજ્યોમાં ગરમી વધી છે, લોકોને પહેલાથી જ ઘરની બહાર નીકળવું મુશ્કેલ થઈ રહ્યું છે. ભારતીય હવામાન વિભાગે તેના નવીનતમ અપડેટમાં જણાવ્યું છે કે, 'લોકોને આગામી દિવસોમાં ગરમીથી રાહત મળવાની નથી. હવે ઉત્તર ભારતના ઘણા રાજ્યોમાં મહત્તમ અને લઘુત્તમ તાપમાનમાં ઝડપથી વધારો થશે.
હાલમાં દિલ્હીમાં સોમવારના રોજ હવામાન ચોખ્ખું રહેશે અને દિવસ દરમિયાન હળવા પવનની શક્યતા છે. આજે રાજધાની દિલ્હીમાં મહત્તમ તાપમાન 35 ડિગ્રી સેલ્સિયસ અને લઘુત્તમ તાપમાન 20 ડિગ્રી સેલ્સિયસ રહેવાની સંભાવના છે.
કેટલાક રાજ્યોમાં મધ્યમ વરસાદની સંભાવના
તો સોમવારના રોજ કેટલાક રાજ્યોમાં મધ્યમ વરસાદની શક્યતા છે. વાસ્તવમાં, આ સમયે વેસ્ટર્ન ડિસ્ટર્બન્સ પણ સક્રિય છે, જેના કારણે લદ્દાખ અને આસપાસનાવિસ્તારોમાં હળવો વરસાદ થઈ શકે છે. તો દક્ષિણના ઘણા રાજ્યોમાં પણ સાંજ સુધી વરસાદની સંભાવના છે. સોમવારના રોજ ચેન્નાઈ, કર્ણાટક અને કેરળમાં હળવોવરસાદ પડી શકે છે.
તાપમાનનો પારો ચાલીસને પાર
જ્યારે મહારાષ્ટ્ર, મધ્યપ્રદેશ અને રાજસ્થાનમાં ગરમીનો પ્રકોપ જોવા મળશે. રાજસ્થાનના અનેક વિસ્તારોમાં તાપમાનનો પારો ચાલીસને પાર કરી ગયો છે.
તાપમાન વધવાની ધારણા
બીજી તરફ બિહાર, ઝારખંડ, ઉત્તર પ્રદેશ અને પંજાબ-હરિયાણામાં હવામાન શુષ્ક રહેવાનું છે અને ઉત્તર-પૂર્વમાં ઈન્દ્ર દેવ કૃપા કરી શકે છે, જ્યારે પર્વતો એટલે કેઉત્તરાખંડ અને હિમાચલમાં તાપમાન વધવાની આશંકા છે.