શું હોય છે સેંગોલ? નવા સંસદ ભવનમાં સ્પીકરની ચેર પાસે રાખવામાં આવશે, જાણો પુરો ઇતિહાસ
ભારતીય સંસદીય ઈતિહાસમાં 28મી મેના રોજ એક નવો અધ્યાય જોડાવા જઈ રહ્યો છે. જ્યારે વડાપ્રધાન નરેન્દ્ર મોદી નવા સંસદ ભવનનું ઉદ્ઘાટન કરશે. જો કે આ અંગે રાજકીય ગરમાવો જોવા મળી રહ્યો છે. એક તરફ 19 વિરોધ પક્ષો ઉદ્ઘાટન સમારોહનો બહિષ્કાર કરવાની રણનીતિ બનાવી રહ્યા છે.
બીજી તરફ ગૃહમંત્રી અમિત શાહે જણાવ્યું કે, બિલ્ડીંગમાં સ્પીકરની ખુરશી પાસે રાજદંડ સેંગોલ લગાવવામાં આવશે. ઉદ્ઘાટન સમારોહ 28 મેના રોજ છે. શાહે એમ પણ કહ્યું કે સેંગોલનો દેશની આઝાદી સાથે મહત્વનો સંબંધ છે. તે ચોલા સામ્રાજ્યનું પણ છે જેણે દક્ષિણ ભારતના મોટા ભાગ પર શાસન કર્યું હતું. ચાલો તમને સેંગોલનો પરિચય કરાવીયે..
સેંગોલ એક તમિલ શબ્દ છે. જેનો અર્થ થાય છે કે સંપત્તિ અનાજથી ભરેલી છે. સેંગોલનું વજન 800 ગ્રામ છે. તે સોનાનો ઢોળ ચડાવીને બનેલો છે. તેની લંબાઈ 5 ફૂટ છે. શાહે કહ્યું કે તેને નવા સંસદ ભવનમાં સ્પીકરની ખુરશી પાસે રાખવામાં આવશે. અધ્યાનમ સંપ્રદાયના 20 પૂજારીઓ આવશે. તે અંગ્રેજો પાસેથી સત્તાના હસ્તાંતરણનું પ્રતીક છે. અમૃત એ સમયનું પ્રતિબિંબ છે.
14 ઓગસ્ટ 1947ના રોજ ભારતની સત્તા અંગ્રેજો પાસેથી હસ્તાંતરિત કરવામાં આવી હતી. તે સમયે લોર્ડ માઉન્ટબેટને પંડિત નેહરુને પૂછ્યું કે સત્તાનું ટ્રાન્સફર કેવી રીતે કરવું. પંડિત નેહરુએ સી. રાજગોપાલાચારી (ઉપનામ રાજાજી) સાથે આ અંગે ચર્ચા કરી હતી. જેમાં રાજાજીએ નેહરુને 'સેંગોલ પ્રોસેસ' વિશે જણાવ્યું.
આ પછી તમિલનાડુ સેંગોલને પંડિત નેહરુએ આમંત્રણ આપ્યું અને સ્વીકાર્યું. તેથી જ તેને સેંગોલ સત્તાના સ્થાનાંતરણનું પ્રતીક માનવામાં આવે છે.
વર્ષ 1960માં તેને અલ્હાબાદ મ્યુઝિયમમાં મોકલવામાં આવ્યુ હતુ. 1978 કાંચીપુરમ મઠના વડાએ એક પુસ્તક લખ્યું. જેમાં રાજદંડ અંગેની સમગ્ર ઘટના વર્ણવવામાં આવી હતી. લગભગ દોઢ વર્ષ પહેલા પીએમ મોદીએ આ રાજદંડ શોધવાની સૂચના આપી હતી. ત્રણ-ચાર મહિના સુધી સઘન શોધખોળ ચાલી, પણ કંઈ મળ્યું નહીં.
આ દરમિયાન અલ્હાબાદ મ્યુઝિયમના ક્યુરેટરનો ફોન મંત્રાલય સુધી પહોંચ્યો અને તેમણે આ લાકડી વિશે માહિતી આપી. તેમાં એક તમિલ શિલાલેખ છે જે નેહરુને આપવામાં આવ્યો હતો. ભગવાન શિવના સંદેશવાહક નંદીની પ્રતિમા સેંગોલની ટોચ પર બનેલી છે.
Click it and Unblock the Notifications
Sign in with Google
