બોમ્બે બ્લડ ગ્રુપ શું છે? જેની એક અઠવાડિયામાં હોસ્પિટલોમાં માંગ વધી ગઈ
અત્યંત દુર્લભ 'બોમ્બે બ્લડ ગ્રુપ' ની માંગ મુંબઈની હોસ્પિટલોમાં અચાનક વધી ગઈ છે. ગયા અઠવાડિયે, મુંબઈની નાયર હોસ્પિટલમાં 5 દર્દીઓ માટે આ બ્લડ ગ્રુપની માંગ બહાર આવી હતી.
અત્યંત દુર્લભ 'બોમ્બે બ્લડ ગ્રુપ' ની માંગ મુંબઈની હોસ્પિટલોમાં અચાનક વધી ગઈ છે. ગયા અઠવાડિયે, મુંબઈની નાયર હોસ્પિટલમાં 5 દર્દીઓ માટે આ બ્લડ ગ્રુપની માંગ બહાર આવી હતી. હિન્દુજા, જે.જે. અને ટાટા હોસ્પિટલમાં ઉપરોક્ત બ્લડ ગ્રુપની જરૂર છે. દેશભરમાં આ દુર્લભ બ્લડ ગ્રુપના માત્ર 292 સભ્યો છે, જે જરૂર પડે ત્યારે રક્તદાન કરે છે.
અત્યાર સુધી, મુંબઇમાં આ દુર્લભ બ્લડ ગ્રુપની માંગ ટાટા મેમોરિયલ હોસ્પિટલમાં કેન્સરના દર્દી અને નાયર હોસ્પિટલમાં દાખલ મહિલા માટેની છે. અધિકારીઓ સાંગલીથી મુંબઇ સુધી એક બ્લડ યુનિટ લાવવાની તૈયારી કરી રહ્યા છે. નાયર હોસ્પિટલમાં મહિલા દર્દીની હાલત વધુ બગાડી ગઈ હતી અને તેનું હિમોગ્લોબિન કાઉન્ટ 2 સુધી પહોંચી ગયું હતું. સામાન્ય રીતે, હિમોગ્લોબિન કાઉન્ટ 12 કે તેથી વધુ હોય છે.
ત્યારબાદ બે દાતાઓનો સંપર્ક કરવામાં આવ્યો, પરંતુ દર્દીની સ્થિતિમાં કોઈ સુધારો થયો નહીં, ત્યારબાદ ત્રીજા દાતાની શોધખોળ શરૂ થઈ. વિનય શેટ્ટીએ કહ્યું કે મહિલાની હાલત ગંભીર છે, અમને વધુ રક્તદાતાઓની જરૂર પડશે. જે.જે. મહાનગર બ્લડ બેંકના અધિકારીએ જણાવ્યું કે, આ બ્લડ ગ્રુપનું લોહી મળતું નથી અને તેને એકત્રિત કરવામાં સમય લે છે. જ્યારે જરૂર હોય ત્યારે જ અમે દાતાઓનો સંપર્ક કરીએ છીએ.
બોમ્બે બ્લડ ગ્રુપ શું છે?
બોમ્બે બ્લડ ગ્રુપ એ એક દુર્લભ બ્લડ ગ્રુપ છે જે 7,600 થી વધુ લોકોમાં જોવા મળે છે. તેની ઓળખ સૌ પ્રથમ 1952 માં એક ડોક્ટર વાય.એમ.ભેંડે દ્વારા મુંબઇમાં કરવામાં આવી હતી, ત્યારબાદ પછીથી તેનું નામ બોમ્બે બ્લડ ગ્રુપ રાખવામાં આવ્યું હતું. થિંક ફાઉન્ડેશનના એનજીઓનાં વિનય શેટ્ટીના જણાવ્યા મુજબ, આ બ્લડ ગ્રૂપના દેશભરમાં 350 દર્દીઓ છે, પરંતુ કટોકટીમાં રક્તદાન કરવા માટે ફક્ત 30 સક્રિય દાતાઓ ઉપલબ્ધ છે, અને તેમાંય બોમ્બે બ્લડ ગ્રુપ નેગેટિવ ખુબ ઓછા લોકોમાં જોવા મળે છે.
આ પણ વાંચો: ગુજરાત: સગાઈ પછી યુવતીએ લગ્નની ના પાડી, તો ચોથા માળેથી કૂદયો યુવક