વોટ્સઅપ ડાઉન : ભારત સમેત અનેક દેશોમાં ઠપ્પ થઇ સર્વિસ
વોટ્સઅપ ડાઉન થયું એક કલાક માટે. જાણો ભારત સિવાય અન્ય કયા દેશને પડી આ મુશ્કેલી.
આજે વોટ્સઅપ લગભગ 1 કલાક સુધી ડાઉન રહ્યા પછી સર્વિસમાં પાછું આવ્યું હતું. લગભગ કલાક સુધી ના તો કોઇ મેસેજ સેન્ડ થઇ રહ્યા હતા ના જ રિસિવ. જો કે આવું ખાલી ભારતમાં જ નહીં દુનિયાના અનેક દેશોમાં એક સાથે થયું હતું. કોઇ મોટી ટેકનિકલ ગરબડીના કારણે આમ થયું હોવાનું મનાય છે. ભારતમાં ગુરુવારે લગભગ 11:45 મિનિટે વોટ્સઅપ ડાઉન થયું હતું. જે સમયે મેસેજ ના તો મોકલી શકતા હતા ના જ રિસિવ થતા હતા. એટલું જ નહીં વોટ્સઅપ ડાઉનની આ સમસ્યા ભારત સમેત ઇટલી, ચીલી, રોમાનિયા, મેક્સિકો, રુસ, સ્પેન, બ્રાઝિલ, ફ્રાંસ, અમેરિકા, હોલેન્ડ, આર્જેન્ટિના, જમર્નીમાં પણ સામે આવી હતી. અને લગભગ 1 કલાક સુધી લોકોને આ સમસ્યાને સહન કરવાનો વારો આવ્યો હતો.
જો કે તે પછી વોટ્સઅપના પ્રવક્તાએ આ અંગે વાત કરતા જણાવ્યું કે દુનિયાના અનેક ભાગોમાં વોટ્સઅપ યુઝર્સને આ સમસ્યાનો સામનો અચાનક જ કરવો પડ્યો હતો. અને યુર્ઝસની આ અસુવિધા માટે વોટ્સઅપ પ્રવક્તાએ માફી માંગી હતી. સાથે જ તેમણે જણાવ્યું હતું કે આ સમસ્યાનો જલ્દી જ નીકાલ લાવવામાં આવશે. ઉલ્લેખનીય છે કે ભારત સમેત અનેક દેશોમાં વોટ્સઅપ એક લોકપ્રિય મેસેજીંગ એપ છે. અને અચાનક જ તેના એક કલાક માટે બંધ થઇ જાતા તેના યુર્ઝસને પણ નવાઇ લાગી હતી.
Click it and Unblock the Notifications
Sign in with Google
