23મી એપ્રિલે થશે ગુજરાતમાં લોકસભા ચૂંટણી, જાણો બીજા રાજ્યોની તારીખ
23મી એપ્રિલે થશે ગુજરાતમાં લોકસભા ચૂંટણી, જાણો વિસ્તારથી
ચૂંટણી પંચે 2019 લોકસભા ચૂંટણીની તારીખ જાહેર કરી દીધી છે. ચૂંટણી તારીખ એલાન થતાની સાથે જ દેશભરમાં આચા સંહિતા લાગુ થઈ ગઈ છે. દિલ્હીમાં આયોજિત પ્રેસ કોન્ફ્રેન્સમાં ચૂંટણી પંચે જણાવ્યું કે લોકસભા ચૂંટણી માટે 10 લાખ પોલિંગ સ્ટેશન બનાવવામાં આવશે અને તમામ બૂથ પર વીવીપેટ મશીનનો ઉપયોગ કરવામાં આવશે. 17મી લોકસભા ચૂંટણીની તારીખનું એલાન કરતા મુખ્ય ચૂંટણી કમિશનર સુનીલ અરોડાએ કહ્યું કે આગામી લોકસભા ચૂંટણી સાત તબક્કામાં થશે. ચૂંટણી દરમિયાન શાંતિપૂર્ણ મતદાન માટે સુરક્ષાના ભારે ઈંતેજામ કરવામાં આવશે. જાણો વિવિધ તબક્કામાં થનાર લોકસભા ચૂંટણીની મુખ્ય તારીખો.
પહેલા તબક્કામાં 11 એપ્રીલ 2019ના રોજ આંધ્ર પ્રદેશ, અરુણાચલ પ્રદેશ, ગોઆ, હરિયાણા, હિમાંચલ પ્રદેશ, કેરળ, મેઘાલય, મિઝોરમ, નાગાલેન્ડ, પંજાબ, સિક્કિમ, તેલંગાણા, તમિલનાડુ, અંદમાન નિકોબાર, દાદાર નગર હવેલી, દમણ, લક્ષદ્વિપ, દિલ્હી, પોંડીચેરી, છત્તીસગઢ અને ઉત્તરાખંડમાં ચૂંટણી યોજાશે. બીજા તબક્કામાં 18 એપ્રિલ 2019ના રોજ કર્ણાટક, મણિપુર, રાજસ્થાન અને ત્રિપુરામાં ચૂંટણી યોજાશે.
ત્રીજા તબક્કામાં 23 એપ્રિલના રોજ આસામ, છત્તીસગઢ અને ગુજરાતમાં ચૂંટણી યોજાશે. ચોથા તબક્કાની ચૂંટણી 29 એપ્રિલના રોજ ઝારખંડ, મધ્ય પ્રદેશ, મહારાષ્ટ્ર અને અરિસ્સામાં ચૂંટણી યોજાશે. 6 મેના રોજ જમ્મુ અને કાશ્મીરમાં પાંચમા તબક્કાનું મતદાન યોજાશે. ઉપરાંત 12 મેના રોજ છઠ્ઠા તબક્કાનું મતદાન થશે. જ્યારે 19મેના રોજ બિહાર, ઉત્તર પ્રદેશ અને પશ્ચિમ બંગાળમાં સાતમા તબક્કાની ચૂંટણી યોજાશે. લોકસભા ચૂંટણીનું પરિણામ 23 મે 2019ના રોજ આવશે.
આ પણ વાંચો- Live: લોકસભા ચૂંટણીનું 7 તબક્કામાં મતદાન, 23 મેં પરિણામ આવશે
Click it and Unblock the Notifications
Sign in with Google
