આખરે ગૌતમ અદાણી પાસે આટલા રૂપિયા આવે છે ક્યાંથી? આ છે તેની આવકના સૌથી મોટા સ્ત્રોત!
હાલમાં ગૌતમ અદાણી મુકેશ અંબાણીને પાછળ છોડીને ધનિકોની યાદીમાં ઉપર જઈ રહ્યા છે ત્યારે હવે તેમના વિશે સતત ચર્ચાઓ થઈ રહી છે કે અદાણી કેમ આટલી ઝડપથી આગળ વધી રહ્યા છે? તેમની પાસે આટલા રૂપિયા આવે છે ક્યાંથી?
હાલમાં ગૌતમ અદાણી મુકેશ અંબાણીને પાછળ છોડીને ધનિકોની યાદીમાં ઉપર જઈ રહ્યા છે ત્યારે હવે તેમના વિશે સતત ચર્ચાઓ થઈ રહી છે કે અદાણી કેમ આટલી ઝડપથી આગળ વધી રહ્યા છે? તેમની પાસે આટલા રૂપિયા આવે છે ક્યાંથી? આજે અમે તમને અદાણીની આવકના સૌથી મોટા સ્ત્રોત વિશે જણાવવા જઈ રહ્યા છીએ.
પોર્ટ
અદાણી ગ્રુપ તેના પોર્ટ બિઝનેસનું સતત વિસ્તરણ કરી રહ્યું છે. અદાણી ગ્રૂપ દેશના અનેક બંદરો પર પોતાનો બિઝનેસ વિસ્તારી રહ્યું છે. હાઈફા પોર્ટમાં અદાણીનું રોકાણ ચર્ચામાં રહ્યું છે. અદાણી ગ્રુપે હાઈફા પોર્ટમાં $1.18 બિલિયનનું રોકાણ કર્યું છે. અદાણી પોર્ટ્સે ઈઝરાયેલની કંપની સાથે મળીને ઈઝરાયેલના ઐતિહાસિક બંદર માટે સૌથી મોંઘી બોલી લગાવી હતી. અદાણી પોર્ટ્સ આગામી 31 વર્ષ સુધી આ પોર્ટને નિયંત્રિત કરશે. તાજેતરમાં અદાણી ગ્રૂપને પશ્ચિમ બંગાળમાં તાજપુર ખાતે નવું દરિયાઈ બંદર વિકસાવવાની મંજૂરી મળી છે.
ગ્રીન એનર્જી
ગ્રીન એનર્જી ગૌતમ અદાણીનું મનપસંદ ક્ષેત્ર છે. અદાણી આ સેક્ટરમાં મોટા પાયે રોકાણ કરી રહ્યા છે. આ માટે તેઓએ મોટુ દેવું પણ કર્યુ છે. અદાણીએ તેના ગ્રીન હાઇડ્રોજન ઇકોસિસ્ટમમાં $50 બિલિયનનું રોકાણ કર્યું છે. અદાણી ગ્રુપે આ માટે ફ્રાન્સની ટોટલ એનર્જી સાથે પણ જોડાણ કર્યું છે. અહેવાલો અનુસાર, અદાણી ન્યૂ ઇન્ડસ્ટ્રીઝ લિમિટેડ આગામી 10 વર્ષમાં ગ્રીન હાઇડ્રોજનમાં US$ 50 બિલિયનનું રોકાણ કરશે. તાજેતરના એક અહેવાલ અનુસાર, અદાણી ગ્રીન એશિયામાં બીજા ક્રમે સૌથી ખરાબ ડીઇ રેશિયો ધરાવે છે. કંપનીએ બિઝનેસના વિસ્તરણ માટે જંગી દેવું લીધું હોવાને કારણે આવું બન્યું છે.
પાવર સેક્ટર
અદાણી ગ્રુપે પાવર સેક્ટરમાં પોતાના પગ ફેલાવ્યા છે. ગૌતમ અદાણીએ ડીબી પાવરમાં 7,017 કરોડનું રોકાણ કર્યું છે. અદાણી પાવરે ખાનગી ક્ષેત્રની પાવર કંપની ડીબી પાવર લિ.ને હસ્તગત કરી છે. ડીબી પાવર લિમિટેડ પાસે છત્તીસગઢના જાંજગીર ચંપા જિલ્લામાં 600-600 મેગાવોટના બે યુનિટ છે.
સિમેન્ટ સેક્ટર
અદાણી ગ્રૂપે અંબુજા સિમેન્ટ અને તેની પેટાકંપની ACC લિમિટેડને સ્વિટ્ઝર્લેન્ડની હોલ્સિમ લિમિટેડ પાસેથી હસ્તગત કરી છે. અહેવાલો અનુસાર, આ અધિગ્રહણ $6.4 બિલિયનમાં કરવામાં આવ્યું છે. અદાણી ગ્રુપે આ વર્ષની શરૂઆતમાં હોલસીમ ગ્રુપ પાસેથી સિમેન્ટ કંપનીઓ હસ્તગત કરીને આ ક્ષેત્રમાં પ્રવેશ કર્યો હતો. ગૌતમ અદાણી 2027 સુધીમાં કંપનીની વાર્ષિક ક્ષમતા બમણી કરવાની યોજના ધરાવે છે. આ સોદાથી અદાણી ગ્રૂપ કન્સ્ટ્રક્શન મટિરિયલનું દેશમાં બીજા નંબરનું સૌથી મોટું ઉત્પાદક બન્યું છે.
પરિવહન
અદાણી ગ્રુપની કંપની અદાણી રોડ ટ્રાન્સપોર્ટ લિમિટેડ રોડ ટ્રાન્સપોર્ટમાં ઉતરી છે. કંપનીએ આંધ્રપ્રદેશ અને ગુજરાતમાં મેક્વેરી એશિયા ઈન્ફ્રાસ્ટ્રક્ચર ફંડના ટોલ રોડ પ્રોજેક્ટ્સ 3,110 કરોડમાં હસ્તગત કર્યા છે. કંપનીએ ગુજરાત રોડ એન્ડ ઈન્ફ્રાસ્ટ્રક્ચર કંપની લિમિટેડ અને સ્વર્ણ ટોલવે પ્રાઈવેટ લિમિટેડ સાથે કરાર કર્યો છે. મેક્વેરી એશિયા ઈન્ફ્રાસ્ટ્રક્ચર આ બે કંપનીઓમાં અનુક્રમે 56.8 ટકા અને 100 ટકા હિસ્સો ધરાવે છે.
મીડિયા
અદાણી ગ્રુપ ધીમે ધીમે મીડિયા સેક્ટરમાં પણ પ્રવેશ કરી રહ્યું છે. જૂથે મીડિયા ઉદ્યોગમાં કેટલાક રોકાણો કર્યા છે. તાજેતરમાં અદાણી ગ્રૂપની મીડિયા કંપની દ્વારા એનડીટીવીમાં હિસ્સો ખરીદવા અંગે ઘણી ચર્ચા થઈ હતી. અહેવાલો અનુસાર, અદાણી જૂથે મીડિયા કંપની એનડીટીવીમાં આડકતરી રીતે 400 કરોડ રૂપિયામાં લગભગ 30 ટકા હિસ્સો ખરીદ્યો છે. અહેવાલો અનુસાર, અદાણી જૂથ એનડીટીવીમાં 55 ટકા હિસ્સો મેળવવા માંગે છે.