ટેક્સટાઇલ કિંગની પત્ની અંડરવિયરમાં સંતાડીને કરતી હતી હિરાની તસ્કરી, ધરપકડ
મુંબઇ, 3 ઓગષ્ટ: ટેક્સટાઇલ ટાઇકૂન અને સિયારામ સિલ્ક મિલ્સના માલિક અભિષેક પોદ્દારની પત્ની વિહારી પોદ્દારને હિરાની તસ્કરી કરવાના આરોપમાં ધરપકડ કરવામાં આવી છે. વિહારીને મુંબઇને છત્રપતિ શિવાજી ઇન્ટરનેશનલ એરપોર્ટ પર 2.35 કરોડ રૂપિયાના હિરા અને સોનાના ઘરેણાં સાથે ધરપકડ કરવામાં આવી હતી. સિંગાપુરથી ભારત આવી રહેલી વિહારી પોતાની અંડરવિયરમાં હિરા સંતાડીને લાવી રહી હતી.
સિયારામ સિલ્ક મિલ્સ ઘરાનાની પત્ની સિંગાપુરમાં વિહારી જ્વેલરીની ડાયરેક્ટર છે. સિંગાપુરથી પરત ફરતી વખતે તેની ઘરણાં અને રોકડ સાથે એરપોર્ટ પરથી ધરપકડ કરવામાં આવી હતી. ડાયરેક્ટર ઓફ રેવન્યૂ ઇન્ટેલિજેન્સના ઓફિસર્સના જણાવ્યા અનુસાર ગ્રીન ચેનલમાંથી પસાર થતી વખતે વિહારીએ પોતાના અંડરગાર્મેંટ્સમાં હિરાજડિત સોનાના દાગીના સંતાડ્યા હતા. આ જ્વેલરી વિશે તેમને કોઇ પૂર્વ જાણકારી આપી ન હતી.
અધિકારીઓને આ અંગે જેવી જાણકારી મળી તરત જ તેની ધરપકડ કરી તેની તપાસ શરૂ કરી દિધી. તપાસ દરમિયાન તેના અંડરવિયરમાંથી આ ઘરેણાં મળ્યા હતા. ત્યારબાદ એર ઇન્ટેલિજન્સ યૂનિટની મદદથી વિહારીની ધરપકડ કરવામાં આવી હતી. પૂછપરછ દરમિયાન વિહારી પોદ્દરાએ પોતાનો ગુનો કબૂલ્યો હતો. આ સાથે-સાથે તેને સ્વિકાર્યું હતું કે ગત મહિનાઓમાં તેને લગભગ 10 વાર જ્વેલરીની તસ્કરી કરી હતી.
કોર્ટે વિહારીને 14 દિવસની ન્યાયિક કસ્ટડીમાં મોકલી દિધી છે. આ પ્રથમ કિસ્સો નથી કે કોઇ બિઝનેસ ટાઇકુન ઘરાનાની મહિલા સ્મગલિંગના આરોપમાં પકડાઇ હોય. આ પહેલાં મફતલાલ ઘરાનાની વહૂ શીતલ મફતલાલ પણ આ પ્રકારના ઘરેણાંની તસ્કરીમાં ધરપકડ થઇ ચૂકેલી છે.
Click it and Unblock the Notifications
Sign in with Google
