શું રાજસ્થાનના યોગી 'અલવર સાંસદ બાબા બાલકનાથ' બનશે સીએમ?

આજે રાજસ્થાન, છત્તીસગઢ, મધ્ય પ્રદેશ અને તેલંગાણા વિધાનસભા ચૂંટણી માટે મતગણતરી ચાલી રહી છે. ભાજપ રાજસ્થાન, છત્તીસગઢ અને તેલંગાણામાં જીત નોંધાવી રહી છે, જ્યારે કોંગ્રેસ એકમાત્ર તેલંગાણામાં પકડ બનાવી શકી છે. ત્યારે રાજસ્થાનમાં ભાજપના મુખ્યમંત્રી પદનો ચહેરો કોણ હશે તેને લઈને ચર્ચાએ જોર પકડ્યું છે.

જે નામોની ચર્ચા થઇ રહી છે તેમાં બાબા બાલકનાથ પણ સામેલ છે. બાબા બાલકનાથ રાજસ્થાનની અલવર સીટથી તાત્કાલિન સાંસદ છે અને તેઓ તિજારા વિધાનસભા બેઠક પરથી રાજસ્થાન વિધાનસભા ચૂંટણી 2023 લડ્યા.

બાબા બાલકનાથ તિજારા બેઠક પરથી કોંગ્રેસના ઈમરાન ખાન સામે જંગી માર્જિનથી આગળ છે.

39 વર્ષીય બાબા બાલકનાથને ભાજપે રાજસ્થાન વિધાનસભા ચૂંટણી 2023 માટે ઉમેદવાર તરીકે નામાંકિત કર્યા હતા, અને ભાજપે મુખ્યમંત્રી તરીકે વસુંધરા રાજેનું નામ ઠુકરાવ્યા બાદ મુખ્યમંત્રી બનવાની રેસમાં લેવાઈ રહેલા ભાગ્યશાળી લોકોની યાદીમાં બાબા બાલકનાથનું નામ પણ ચર્ચાઇ રહ્યું છે.

જો બાલકનાથ ખરેખર મુખ્યપ્રધાન બનશે તો તેઓ યોગી આદિત્યનાથ પછી ટોચનું સ્થાન મેળવનાર બીજા 'યોગી' હશે.

ઉત્તર પ્રદેશના મુખ્ય પ્રધાન યોગી આદિત્યનાથે રાજસ્થાન વિધાનસભા ચૂંટણીના ભાગરૂપે બાલકનાથ માટે પ્રચાર કર્યો અને બાબા બાલકનાથની "તિજારા એ સિતારા" બનાવવાની અને તેનું ભવિષ્ય ઉજ્જવળ કરવાની ક્ષમતામાં વિશ્વાસ વ્યક્ત કર્યો.

English summary

Will Yogi of Rajasthan 'Alwar MP Baba Balaknath' become CM?