હાજી અલી દરગાહમાં મહિલાઓ પ્રવેશી નહીં શકે

મુંબઈ, 6 નવેમ્બર : મુંબઇના સહેલાણીઓમાં લોકપ્રિય અને સ્થળોની મુલાકાતમાં અગ્ર ક્રમે આવતા સ્થળ હાજીઅલીની દરગાહમાં હવે માત્ર પુરુષો જ પ્રવેશ મેળવી શકશે. મુંબઈની હાજી અલી દરગાહનાં ટ્રસ્ટીઓએ દરગાહમાં મહિલાઓનાં પ્રવેશ સામે પ્રતિબંધ મૂકી દીધો છે.

આ નિર્ણય પાછળ તેમનો તર્ક એવો છે કે ઈસ્લામમાં મહિલાઓના પ્રવેશનો અસ્વીકાર કરવામાં આવ્યો છે. ટ્રસ્ટે એવી સ્પષ્ટતા પણ કરી છે કે આ તેમનો અંતિમ નિર્ણય છે.

ટ્રસ્ટનું કહેવું છે કે સ્ત્રીઓ દરગાહ પરિસરમાં આવી શકે છે. પરંતુ જે સ્થાન પર પવિત્ર દરગાહ આવેલી છે ત્યાં તેઓ પ્રવેશ મેળવી શકશે નહી. આ કબર ૧૫મી સદીનાં સૂફી સંત પીર હાજી અલી શાહ બુખારીની છે.

નોંધનીય છે કે, મુંબઈ કાંઠેથી અંદાજે ૫૦૦ મીટર પાણીની અંદર અરબી સમુદ્રમાં આ દરગાહ આવેલી છે. અંદાજે ૬ મહિના પહેલા લગાડવામાં આવેલા આ પ્રતિબંધનો હવે વિરોધ થઈ રહ્યો છે.

English summary

Women could not get entry in Haji Ali Dargah.