વર્લ્ડ ગર્ભનિરોધ દિવસ: ભારતીય મહિલાઓ 24 વર્ષે માણી લે છે સેક્સ

By Kumar Dushyant

Updated: Thursday, February 12, 2015, 17:34 [IST]

તમને જાણીને આશ્વર્ય થયું ને....પરંતુ આ સત્ય એક સર્વે રિપોર્ટમાં સામે આવ્યું છે. આજે વર્લ્ડ ગર્ભનિરોધક દિવસ છે, આ અવસરે ફેમિલી પ્લાનિંગ એસોશિએશને એક રિપોર્ટ જાહેર કર્યો છે જેમાં એ વાત સામે આવી છે કે ભારતમાં 36 ટકા મહિલાઓ 24 વર્ષની ઉંમરમાં જ સેક્સનો આનંદ માણી લે છે. ભારતમાં પ્રથમ વખત સેક્સ માણવા સાથે જોડાયેલા આ આંકડા (36 ટકા) સર્વેમાં સમાવેશ થયેલા અન્ય ત્રણ દેશની સરખામણીમાં વધુ છે, આ સર્વે છેલ્લા એક વર્ષથી ચાલી રહ્યો હતો.

આ સર્વે 812 યુવાન લોકો પર કરવામાં આવ્યો છે જેમાં તેમની ઉંમર 25થી30 વર્ષની હતી. આ સર્વે 8 દેશોમાં કરવામાં આવ્યો હતો ત્યારબાદ આ પરિણામ સામે આવ્યું હતું. જેમાં ભારત, ચીન, ઇન્ડોનેશિયા, સિંગાપુર, સાઉથ કોરિયા, થાઇલેન્ડ, મલેશિયા અને તાઇવાનનો સમાવેશ કરવામાં આવ્યો હતો. આ સર્વે દર વર્ષે વિશ્વ ગર્ભનિરોધક દિવસના અવસરે જાહેર કરવામાં આવે છે. કારણ કે તેનાથી ખબર પડી શકે કે લોકો સેક્સના મુદ્દે કેટલા જાગૃત છે.

આ રીપોર્ટમાં એમ પણ કહેવામાં આવ્યું છે કે ભારતીયો અન્ય દેશોની સરખામણીમાં ગર્ભનિરોધક વસ્તુઓનો ઓછો ઉપયોગ કરે છે. આ રિપોર્ટમાં એ પણ બહાર આવ્યું છે કે પ્રથમ વખત સંબંધો બાંધતી વખતે લગભગ 55 ટકા પુરૂષો કોંડોમનો ઉપયોગ કરે છે.