Wrestlers Protest : પહેલવાનો સાથે સરકારની દાદાગીરી, પોલીસે બળ પ્રયોગ કરીને અટકાયત કરી
એક તરફ મોદી સરકાર લોકશાહીના નામે નવા સંસદ ભવનના ઉદ્ઘાટન કરી રહી છે તો બીજી તરફ સરકાર માટે મેડલ જીતનારા દેશના ખેલાડીઓને ન્યાય માટે રસ્તા પર રઝળવુ પડી રહ્યુ છે. જંતર મંતર પર પ્રદર્શન કરી રહેલા પહેલવાનોએ સંસદ તરફ કુચ કરતા પોલીસે બળપ્રયોગ કરીને એટકાયત કરી હતી.
રેસલિંગ ફેડરેશન ઓફ ઈન્ડિયાના પ્રમુખ બ્રિજભૂષણ શરણ સિંહ સામે પહેલવાનો લડી લેવાના મૂડમાં છે ત્યારે હવે પોલીસ પણ દાદાગીરી પર ઉતરી આવી છે. જંતર-મંતરથી નવા સંસદ ભવન તરફ કૂચ કરી રહેલા પહેલવાનો અને પોલીસ વચ્ચે અથડામણ જોવા મળી હતી.
બ્રિજ ભૂષણ શરણ સિંહ વિરુદ્ધ કાર્યવાહીની માંગ સાથે ચાલી રહેલા ધરણા બાદ પહેલવાનોના સમર્થનમાં પહેલવાનો ખાપ પંચાયતોએ નવા સંસદ ભવન સામે જ મહિલા સન્માન પંચાયત બોલાવી છે. આ પંચાયત માટે પહેલવાનો સમર્થકો સાથે જંતર-મંતરથી કૂચ કરી રહ્યા હતા. આ દરમિયાન પોલીસ અને પહેલવાનો વચ્ચે ઘર્ષણ થયુ હતું.
ત્રિરંગા સાથે નવા સંસદ ભવન તરફ જઈ રહેલા પહેલવાનો પોલીસે લગાવેલા બેરિકેડ વટાવીને આગળ વધ્યા હતા. અહીં ઘર્ષણ દરમિયાન ફોગાટ બહેનો જમીન પર પડી ગઈ હતી. પોલીસે અહીંથી જ સાક્ષી મલિક સાથે બજરંગ પુનિયા અને વિનેશ ફોગટની અટકાયત કરી છે.
VIDEO | "All others (farmers) have been stopped (by the police). We will sit here for now and decide what to do next," says farmer leader Rakesh Tikait after being stopped at Ghazipur border. pic.twitter.com/w5D6dwgEHk
— Press Trust of India (@PTI_News) May 28, 2023
પોલીસ સાથે ઘર્ષણ બાદ સાક્ષી મલિકે કહ્યું કે, અમે શાંતિપૂર્ણ રીતે કૂચ કરી રહ્યા હતા પરંતુ પોલીસે બળપૂર્વક અમને ખેંચ્યા. બીજી તરફ ગાઝીપુર બોર્ડર પર ખેડૂત નેતાઓ અને પોલીસ વચ્ચે ઘર્ષણ થયું હોવાના અહેવાલ છે.
આ મુદ્દે વાત કરતા પહેલવાનોનું સમર્થન કરી રહેલા ખેડૂત નેતા રાકેશ ટિકૈતે કહ્યું કે, અન્ય તમામને રોકી દેવામાં આવ્યા છે. અમે અહીં જ બેસીને આગળ શું કરવું તે નક્કી કરીશું.
Click it and Unblock the Notifications
Sign in with Google
