Year Ender 2024 : 2024 માં ભારતે અવકાશમાં ડંકો વગાડ્યો, દુનિયાભરમાં છવાયેલા રહ્યાં ભારતના આ સ્પેસ મિશન

Year Ender 2024 : 2023 માં ચંદ્રના સાઉથ પોલ પર ઉરતીને ડંગો વગાડનારા ભારત માટે 2024 નું વર્ષ પણ શાનદાર રહ્યું છે. ભારતે આ વર્ષે ઘણી મોટી ઉપલબ્ધિઓ પોતાના નામે કરી.

એક તરફ ભારત અવકાશમાં માનવને મોકલવાની તૈયારી કરી રહ્યું છે તો બીજી તરફ ભારતે સુર્યને સ્ટડી કરવા આદિત્ય એલ-1 જેવુ મહત્વનું મિશન લોંચ કર્યુ છે.

ચંદ્રયાન-3 મિશનની સફળતા બાદ ઇસરો ચંદ્રયાન-4 અને શુક્ર મિશનની તૈયારી કરી રહ્યું છે. કેન્દ્રીય બજેટ 2024-25માં ચંદ્રયાન-4, LVM-3ના બે રોકેટ અને ચંદ્રયાન-4 સાથે સતત સંપર્ક જાળવી રાખવા માટે સ્પેસ નેટવર્ક અને ડિઝાઇન વેરિફિકેશન પર ખર્ચની વ્યવસ્થા કરાઈ છે.

ભારતનો અવકાશ કાર્યક્રમમાં 2026 સુધીમાં ગગનયાન માનવસહિત અવકાશયાન, 2027માં ચંદ્રયાન-4, 2028માં શુક્ર મિશન, 2035 સુધીમાં ભારતનું સ્પેસ સ્ટેશન અને 2040 સુધીમાં ચંદ્ર પર ભારતીયને મોકલવાનું મિશન સામેલ છે.

2024 ની ભારતની અવકાશમાં ઉપલબ્ધિઓ

પ્રોબા-3 મિશન
પ્રોબા-3ને 5 ડિસેમ્બર 2024ના રોજ શ્રીહરિકોટાના સતીશ ધવન સ્પેસ સેન્ટરથી PSLV-XL રોકેટની મદદથી લોન્ચ કરવામાં આવ્યું.

SPADEX મિશન
ISRO 30 ડિસેમ્બર 2024 ના રોજ શ્રીહરિકોટાના સતીશ ધવન સ્પેસ સેન્ટરથી PSLV-C60 રોકેટની મદદથી SPADEX મિશન લોન્ચ થઈ શકે છે. મિશનમાં અંતરિક્ષમાં બે અલગ-અલગ અવકાશયાનને જોડવાની યોજના છે.

ઇન્ડિયન સ્પેસ હેકાથોન - 2024
આ હેકાથોનનો હેતુ જીઓસ્પેશિયલ ડોમેન, સ્પેસ સાયન્સ, ઈમેજ પ્રોસેસિંગ અને AI/ML ક્ષેત્રો સંબંધિત સમસ્યાઓનું નિરાકરણ કરવાનો છે.

રાષ્ટ્રીય અવકાશ દિવસ
ભારતે 23 ઓગસ્ટ 2024 ના રોજ તેનો પ્રથમ રાષ્ટ્રીય અવકાશ દિવસ ઉજવ્યો. આ દિવસ ઉજવવાનું કારણ એ છે કે ભારત ચંદ્ર પર ઉતરનાર ચોથો દેશ અને દક્ષિણ ધ્રુવીય ક્ષેત્રમાં પહોંચનાર પ્રથમ દેશ બન્યો તે છે.

English summary

Year Ender 2024: India achieved many achievements in space in 2024