Video: યુટ્યુબર એલ્વિશ યાદવ 14 દિવસની ન્યાયિક કસ્ટડીમાં, જાણો પહેલી રાત કેવી રીતે વીતાવી જેલમાં
Elvish Yadav In Jail: બિગ બૉસ OTT વિજેતા અને YouTuber એલ્વિશ યાદવ હાલમાં 14 દિવસની ન્યાયિક કસ્ટડીમાં છે. 17 માર્ચે નોઈડા પોલીસે રેવ પાર્ટીમાં સાપનું ઝેર સપ્લાય કરવાના આરોપમાં એલ્વિશ યાદવની ધરપકડ કરી હતી. એલ્વિશ યાદવના ફેન્સ એટલે કે 'એલ્વિશ આર્મી' આ સમાચારથી દુઃખી છે.
એશો-આરામની જિંદગી જીવનાર એલ્વિશ યાદવે પોતાની પહેલી રાત જેલમાં કેવી રીતે વિતાવી તે અંગેનો રિપોર્ટમાં હાલમાં સામે આવ્યો છે. એલ્વિશ યાદવને ગ્રેટર નોઈડાના કાસના સ્થિત લુકસર જેલમાં રાખવામાં આવ્યો છે. એલ્વિશ યાદવે રવિવારની રાત લુકસર જેલમાં વિતાવી હતી.
રિપોર્ટ અનુસાર, એલ્વિશ યાદવને પહેલા દિવસે લુકસર જેલના ક્વોરેન્ટાઈન સેલમાં રાખવામાં આવ્યો હતો. જ્યારે પણ કોઈ નવો કેદી જેલમાં આવે છે ત્યારે તેને પ્રથમ દિવસ ક્વોરેન્ટાઈન સેલમાં રાખવામાં આવે છે જેથી કરીને અન્ય કેદીઓ સુધી કોઈ વાયરસ કે બીમારી ન પહોંચે.
જેલ અધિકારીઓના જણાવ્યા અનુસાર, એલ્વિશ યાદવ રવિવારે રાત્રે જેલમાં બરાબર ઊંઘી શક્યો ન હતો. પ્રથમ રાત્રે તે સતત ઊંઘતો-જાગતો રહ્યો. તે ક્યારેક સેલમાં ટહેલતો, તો ક્યારેક સૂતો જોવા મળ્યો છે. એલ્વિશ યાદવને પુરી, બટેટા-રીંગણનુ શાક અને હલવો આપવામાં આવ્યો હતો.
એલ્વિશ યાદવ સામે વન્યજીવ સંરક્ષણ અધિનિયમ, 1972 હેઠળ ભારતીય દંડ સંહિતા (IPC)ની કલમ 120B (ગુનાહિત કાવતરું), 284 (ઝેર સાથે સંબંધિત બેદરકારી) અને 289 (પ્રાણીઓ સાથે સંબંધિત બેદરકારી) હેઠળ કેસ નોંધવામાં આવ્યો છે. થયું.
આ સિવાય એલ્વિશ યાદવ પર માદક પદાર્થ નિવારણ સંબંધિત NDPS એક્ટ પણ લગાવવામાં આવ્યો છે. સૂત્રોના જણાવ્યા અનુસાર, એલ્વિશ યાદવે નોઈડા પોલીસની સામે ગુનો કબૂલી લીધો છે. એલ્વિશ યાદવે સ્વીકાર્યું છે કે રેવ પાર્ટીમાં સાપનું ઝેર સપ્લાય કરવામાં આવ્યું હતું.
Elvish Yadav being taken to district jail Gautambuddh nagar after he was remanded to 14-days in judicial custody following his arrest in the snake venom case. pic.twitter.com/0zrf5gM0h1
— Piyush Rai (@Benarasiyaa) March 17, 2024
Click it and Unblock the Notifications
Sign in with Google
