જૂનાગઢના ભેંસાણમાં મૃત ખેડૂતોના નામે સહાય મેળવવાનું કૌભાંડ ખુલ્યુ, VCE સામે ફરિયાદ દાખલ
જૂનાગઢ જિલ્લાના ભેંસાણ તાલુકાના ખજૂરી હડમતીયા ગામે સરકારી રાહત સહાયમાં મોટી ગેરરીતિ આચરવામાં આવી હોવાનો ચોંકાવનારો કિસ્સો પ્રકાશમાં આવ્યો છે.
ખજૂરી હડમતીયા ગામના VCE દ્વારા ખેડૂતોના નામે લાખો રૂપિયાની સહાય હડપ કરવાનો પ્રયાસ કરવામાં આવ્યો હોવાનું સામે આવ્યું છે. આ સમગ્ર કૌભાંડની વિગતો મુજબ, જિલ્લા વિકાસ અધિકારી (DDO) દ્વારા તપાસના આદેશ આપવામાં આવ્યા હતા, જેમાં કુલ 30 ખેડૂતોના ફોર્મમાં મોટી વિસંગતતા જોવા મળી હતી.
તપાસ દરમિયાન જાણવા મળ્યું હતું કે, જે ખેડૂતો હયાત નથી અને મૃત્યુ પામ્યા છે, તેમના નામે પણ સરકારી સહાય મેળવવા માટે ઓનલાઇન અરજીઓ કરવામાં આવી હતી. અહેવાલો મુજબ, આ કૌભાંડમાં કુલ 6 મૃતક ખેડૂતોના નામે ખોટી રીતે ફોર્મ ભરીને સરકારી નાણાં મેળવવાની પેરવી કરવામાં આવી હોવાનું તપાસમાં ખુલ્યું છે.
ખજૂરી હડમતીયાના VCE એ કુલ 9.49 લાખ રૂપિયાની છેતરપિંડી કરવાનો પ્રયાસ કર્યો હોવાનું જણાતા ભેંસાણ પોલીસ મથકે ગુનો દાખલ કરવામાં આવ્યો છે. હાલમાં પોલીસે આ મામલે કાયદેસરની કાર્યવાહી હાથ ધરી છે અને આ કૌભાંડમાં અન્ય કોઈની સંડોવણી છે કે કેમ તે દિશામાં પણ તપાસ શરૂ કરી છે.
Click it and Unblock the Notifications
Sign in with Google
