Junagadh:જૂનાગઢના ડૉક્ટરે QR કોડના કારણે ગુમાવ્યા 1.8 લાખ, આવી રીતે થઇ છેતરપિંડી
Junagadh: બેંગ્લોરમાં પોસ્ટ ગ્રેજ્યુએટ મેડિકલ પરીક્ષાની તૈયારી કરી રહેલા જૂનાગઢના 24 વર્ષીય ડૉક્ટર સાથે દ્વારકામાં લેઉઆ પાટીદાર સમાજના ગેસ્ટ હાઉસમાં રૂમ બુક કરવાતા સમયે રૂપિયા 1.8 લાખની છેતરપિંડી કરવામાં આવી હતી. જૂનાગઢ સાયબર ક્રાઈમ પોલીસ સ્ટેશનમાં નોંધાયેલી ફરિયાદ મુજબ ફરિયાદી ડૉક્ટર મિત ડોબરીયા રણછોડ નગરનો રહેવાસી છે.
મે મહિનામાં તેને દ્વારકા નગરના એક ગેસ્ટ હાઉસમાં રૂમ બુક કરાવવાની ઈચ્છા હતી, તેથી તેણે ગૂગલ પર કોન્ટેક્ટ નંબર સર્ચ કર્યો હતો. નંબર પર કૉલ કરવા પર, હિન્દીમાં બોલતા એક વ્યક્તિએ બુકિંગ પ્રક્રિયા અને ચાર્જિસ સમજાવ્યા હતા.
આ વ્યક્તિએ ડોબરિયાને એડવાન્સ બુકિંગની રકમ તરીકે 2,000 રૂપિયા ચૂકવવાનું પણ કહ્યું હતું, જે તેણે કર્યું હતું. તેણે યુપીઆઇ પેમેન્ટ મોડનો ઉપયોગ કરીને 2,000 રૂપિયા વધુ ટ્રાન્સફર કર્યા હતા. ડોબરીયાએ પૈસા ટ્રાન્સફર કર્યા પછી, છેતરપિંડી કરનારે તેને વોટ્સએપ પર કોલ કર્યો અને તેની યુપીઆઇ એપ્લિકેશનમાં બુકિંગ કન્ફર્મેશન કોડ દાખલ કરવાનું કહ્યું હતું. ડોબરીયાએ કોડ દાખલ કરતાની સાથે જ તેના બેંક ખાતામાંથી 19,000 રૂપિયા ડેબિટ થઈ ગયા હતા.
છેતરપિંડી કરનારે ફરી ડોબરીયાને ફોન કરીને પૈસા મળ્યા નથી, તેમ કહી ફરી પેમેન્ટ કરવાનું કહ્યું હતું. આ સાથે તેણે બીજો બુકિંગ કોડ મોકલ્યો હતો. મિત ડોબરીયાએ પ્રક્રિયાનું પુનરાવર્તન કર્યું હતું. જે બાદ મિત ડોબરિયાને કહેવામાં આવ્યું કે, પ્રથમ પ્રયાસમાં અગાઉ ડેબિટ કરવામાં આવેલા તેના પૈસા પરત કરવામાં આવશે, અને તેણે યુપીઆઇ એપ્લિકેશનમાં રિફંડ કોડ દાખલ કરવાની જરૂર છે.
એકવાર ડોબરિયાએ રિફંડ કોડ દાખલ કર્યા પછી, તેમના બેંક ખાતામાંથી રૂપિયા 1.8 લાખ ડેબિટ કરવામાં આવ્યા હતા. છેલ્લા ઘણા મહિનાઓથી સંબંધિત બેંકમાંથી પૈસા પાછા મેળવવામાં નિષ્ફળ રહ્યા બાદ, મિત ડોબરિયાએ શુક્રવારના રોજ પોલીસનો સંપર્ક કર્યો હતો.
છેતરપિંડી અથવા કૌભાંડોને કારણે નાણાકીય નુકસાનના જોખમને ઘટાડવામાં મદદ કરશે આ ટિપ્સ
QR કોડ-આધારિત ચૂકવણીઓ તેમની સુવિધા માટે લોકપ્રિય બની છે, પરંતુ તમારા નાણાંને સુરક્ષિત રાખવા માટે સાવચેતી રાખવી મહત્વપૂર્ણ છે.
- ચુકવણી કરતા પહેલા રિસિવરની ચકાસણી કરો
- અધિકૃત અને વિશ્વસનીય એપ્લિકેશનોનો ઉપયોગ કરો
- તમારી એપ્લિકેશનને અપડેટ રાખો
- તમારા ડિવાઇસને મજબૂત પ્રમાણીકરણ સાથે સુરક્ષિત કરો
- એપ્લિકેશન લૉક્સ જટિલ રાખો, ઓનલાઈન ચૂકવણી કરતા સમયે સુરક્ષિત કનેક્શન્સ તપાસો
- સાર્વજનિક Wi-Fi નેટવર્ક્સ વાપરવાનું ટાળો
- ચુકવણી કરતા પહેલા બે વાર રકમ તપાસો
- ટ્રાન્ઝેક્શન હિસ્ટ્રીની નિયમિત સમીક્ષા કરો
- ટ્રાન્ઝેક્શન લિમિટ સેટ કરો
- QR કોડ શેર કરતા સમયે સાવચેત રહો
Click it and Unblock the Notifications
Sign in with Google
