Junagadh: લો બોલો! હવે રાજ્ય મંત્રી પરષોત્તમ સોલંકીનો નકલી પીએ ઝડપાયો
Junagadh: ગુજરાતના એક મંત્રીનો ફેક પર્સનલ આસિસ્ટન્ટ ઝડપાયો છે. પોલીસ દ્વારા આ મામલે મેંદરડા નિવાસી 53 વર્ષીય રાજેશ જાદવની ધરપકડ કરવામાં આવી છે. તેની પાસેથી એક ફેક વિઝિટિંગ કાર્ડ પણ મળી આવ્યું છે. આ સાથે લોકોને રાજ્યના પશુપાલન અને મત્સ્યઉદ્યોગ રાજ્ય મંત્રી પરષોત્તમ સોલંકીનો પર્સનલ આસિસ્ટન્ટ તરીકે ગણાવતો હતો.
પોલીસના જણાવ્યા અનુસાર, જૂનાગઢ જિલ્લામાં પશુપાલન અને મત્સ્યોદ્યોગ રાજ્યમંત્રી પરષોત્તમ સોલંકીના નામનો વ્યક્તિ લોકોને પ્રભાવિત કરતો હતો. આ ફરિયાદના આધારે આરોપી રાજેશ જાદવની ધરપકડ કરવામાં આવી હતી.
રાજેશ જાદવ પોતાની જાતને પરષોત્તમ સોલંકીનો અંગત સચિવ ગણાવીને લોકો પર પ્રભાવ પાડતો હતો. તેણે પોતાની કાર પર LLA Gujarat લખેલું હતું. હાલ પોલીસ રાજેશ જાદવની પૂછપરછ કરી રહી છે.
તાજેતરમાં અમરેલી જિલ્લા પોલીસે કેન્દ્રીય મંત્રી પરષોત્તમ રૂપાલાના નામનો ઉપયોગ કરતા આરોપીની ધરપકડ કરી હતી. આ કિસ્સામાં અમરેલી જિલ્લાના સાવરકુંડલાથી 5 કિમી દૂર હાથસણી રોડ પર માનવ મંદિર મનોરોગ આશ્રમ આવેલો છે.
આશ્રમના ટ્રસ્ટી મનસુખભાઈ વસોયા લોકસાહિત્યકાર છે. થોડા દિવસો પહેલા એક અજાણ્યા વ્યક્તિએ તેમને ફોન કરીને પોતાની ઓળખ કેન્દ્રીય મંત્રી પુરષોત્તમ રૂપાલાના પીએ તરીકે આપી હતી. આશ્રમમાં પુરૂષ વિકલાંગ વ્યક્તિને દાખલ કરવા દબાણ કર્યું હતું.
ટ્રસ્ટીએ જણાવ્યું હતું કે, આ આશ્રમ માત્ર મહિલાઓ માટે છે. જેના પર ઉક્ત વ્યક્તિએ ધમકી આપી હતી કે, તે 11 લાખની સરકારી ગ્રાન્ટ રદ કરાવી દેશે. આ અંગે ટ્રસ્ટી મનસુખ ભાઈએ આ વ્યક્તિની ઓડિયો ક્લિપ હિરેનભાઈ વાળાને કેન્દ્રીય મંત્રી પરષોત્તમ રૂપાલાની ઓફિસમાં મોકલી હતી.
આ મામલે પરષોત્તમ રૂપાલાની કચેરીના કર્મચારી હિરેન વાળાએ સાવરકુંડલા ગ્રામ્ય પોલીસ મથકમાં ફરિયાદ નોંધાવી હતી. ફરિયાદના આધારે પોલીસે મોબાઈલ નંબરનું લોકેશન શોધી કાઢ્યું અને ગારિયાધાર તાલુકામાં રાવડીના રહેવાસી ભાવેશ ગોયાણીની ધરપકડ કરી હતી.
Click it and Unblock the Notifications
Sign in with Google
