કેન્દ્રના કર્મચારીઓને મળશે ભેટ, મોંધવારી ભથ્થામાં થઇ શકે છે 8%નો વધારો

નવી દિલ્હી, 2 એપ્રિલ: કેન્દ્ર સરકારે કેન્દ્રિય કર્મચારી માટે મોંઘવારી ભથ્થામાં (ડીએ) 8 ટકાનો વધારો કરવાની તૈયારી કરી લીધી છે. જેથી મોંઘવારીનો માર સહન કરી રહેલા કર્મચારીઓને મોટી રાહત મળી શકે છે. સરકારના આ નિર્ણયથી 50 લાખ કર્મચારી અને 30 લાખ પેન્શનરોને લાભ મળશે. આ પહેલાં સરકારે સપ્ટેમ્બર 2012માં મોંઘવારી ભથ્થામાં સાત ટકાનો વધારો કર્યો હતો.

મોંઘવારી ભથ્થામાં વધારો કરવાના પ્રસ્તાવને કેન્દ્રિય મંત્રીમંડળ પાસે મોકલી દેવામાં આવ્યો છે અને મંગળવારે વડાપ્રધાન મનમોહન સિંહની અધ્યક્ષતામાં થનારી કેબિનેટની બેઠકમાં આ આશયના પ્રસ્તાવને મંજૂરી મળવાની સંભાવના છે.

કેન્દ્ર સરકારના મોંઘવારી ભથ્થામાં વધારો કરવાના નિર્ણયથી લગભગ 80 લાખ કર્મચારીઓને ફાયદો પહોંચવાનું અનુમાન છે. અત્યાર સુધી કેન્દ્રિય કર્મચારીને મૂળ વેતન પર 72 ટકાના દર મોંઘવારી ભથ્થું મળતું હતું કે આ નિર્ણય બાદ વધારીને 80 ટકા થઇ જશે. જો કોઇ કર્મચારીનો પગાર 10000 રૂપિયા છે તો તેને હવે 800 રૂપિયા મોંઘવારી ભથ્થાના રૂપમાં મળશે.

English summary

Union Cabinet is likely to approve on Tuesday a proposal to increase dearness allowance (DA) to 80 percent from existing 72 percent benefiting about 80 lakh employees of the central government.