Delhi dog case : દિલ્હી કુતરા વિવાદ વચ્ચે સુપ્રીમ કોર્ટનો મહત્વનો આદેશ
Delhi dog case : સુપ્રીમ કોર્ટે દિલ્હી-એનસીઆરમાંથી રખડતા શ્વાનોને હટાવવાના અગાઉના આદેશમાં ફેરફાર કર્યો છે. હવે નસબંધી અને રસીકરણ બાદ આવા શ્વાનોને તે જ વિસ્તારમાં પાછા છોડી શકાશે.
જો કે, આ નિયમ ફક્ત તે શ્વાનો પર લાગુ થશે નહીં જે રેબીઝથી સંક્રમિત હોય કે જેમનો સ્વભાવ આક્રમક હોય. આ ઉપરાંત કોર્ટે એ પણ સ્પષ્ટ કર્યું છે કે શ્વાનોને જાહેરમાં ખવડાવવાની પરવાનગી આપવામાં આવશે નહીં. તેના બદલે આવા શ્વાનો માટે અલગથી ભોજન સ્થાન બનાવવામાં આવશે.
અગાઉ 11 ઓગસ્ટે, સુપ્રીમ કોર્ટે દિલ્હી-એનસીઆરના અધિકારીઓને આદેશ આપ્યો હતો કે તમામ રખડતા શ્વાનોને રસ્તાઓ પરથી હટાવીને આશ્રયસ્થાનોમાં મોકલી દેવામાં આવે.
આ આદેશ બાદ દિલ્હીમાં વ્યાપક વિરોધ પ્રદર્શનો થયા હતા. પશુપ્રેમીઓ અને કાર્યકર્તાઓએ આદેશનો વિરોધ કરીને નસબંધી અને રસીકરણ જેવા માનવીય ઉપાયો અપનાવવાની માંગ કરી હતી.
સુપ્રીમ કોર્ટની ત્રણ સભ્યોની વિશેષ બેન્ચે આ મુદ્દા પર સુનાવણી કરીને પોતાનો ચુકાદો સુરક્ષિત રાખ્યો હતો. કોર્ટે જણાવ્યું હતું કે રખડતા શ્વાનોની આ સમગ્ર સમસ્યા સ્થાનિક અધિકારીઓની નિષ્ક્રિયતાનું પરિણામ છે, જેમણે શ્વાનોની નસબંધી અને રસીકરણ માટેના નિયમોનું યોગ્ય પાલન કર્યું નથી.
આ નવા આદેશથી પશુપ્રેમીઓને મોટી રાહત મળી છે અને તે શ્વાનો માટે માનવીય અભિગમ અપનાવવાની દિશામાં એક મહત્વપૂર્ણ પગલું છે.
Click it and Unblock the Notifications
Sign in with Google
