દિલ્હી ગેંગરેપઃ દિલ્હીમાં ઉગ્ર પ્રદર્શન જુઓ તસવીરોમાં

Published: Saturday, December 22, 2012, 20:02 [IST]

નવીદિલ્હી, 22 ડિસેમ્બરઃ દિલ્હીમાં ચાલતી બસમાં સામુહિક બળાત્કારની ઘટનાના વિરોધમાં રાષ્ટ્રીય રાજધાનીમાં ચાલી રહેલા વિરોધ પ્રદર્શને શનિવારને ઉગ્ર સ્વરૂપ ધારણ કરી લીધું છે. પ્રદર્શનકારીઓની ભીડે રાષ્ટ્રપતિ ભવનનો સુરક્ષાઘેરો તોડી નાંખ્યો છે અને આગળ વધી રહ્યાં છે. બીજી તરફ ઇન્ડિયા ગેટ પર હજારોની સંખ્યામાં વિદ્યાર્થીઓ, સામાજિક કાર્યકર્તાઓ અને સામાન્ય નાગરીકો એકઠા થયા છે અને પીડિતા માટે ન્યાયની માંગ કરી રહ્યાં છે. પ્રદર્શનકારીઓમાં કેટલાક લોકો આવા જધન્ય કૃત્યને અંજામ આપનારાઓને મોતની સજા ફટકારવામાં આવે તેવી માંગ કરી રહ્યાં છે, તો કેટલાક સરકારને મહિલાઓની સુરક્ષા વ્યવસ્થા કડક કરવાની માંગ કરી રહ્યાં છે. તાજી માહિતી અનુસાર, પ્રદર્શનકારીઓ પર લાઠીચાર્જ કરવામાં આવ્યો છે અને આસું ગેસના ગોળા છોડવામાં આવ્યા છે.

ઉલ્લેખનીય છે કે રવિવારે રાત્રે દેશની રાજધાનીમાં ચાલતી બસમાં 23 વર્ષીય યુવતી સાથે સામુહિક બળાત્કારના વિરોધમાં દેશભરમાં પ્રદર્શનોનો સિલસિલો જારી છે. આ પહેલા પીડિતા માટે ન્યાયની માંગ કરતા શુક્રવારે પણ સેંકડો મહિલાઓ અને વિદ્યાર્થીઓએ દિલ્હીના રાયસીના હિલ તરફ માર્ચ કર્યું હતું. પ્રદર્શનકારી વી વોન્ટ જસ્ટિસના સૂત્રોચ્ચાર લગાવતા રાષ્ટ્રપતિ ભવનના ગેટ નંબર બે પર પહોંચ્યા હતા, જ્યાં તેમણે રાષ્ટ્રપતિ ભવનના એક વરિષ્ઠ અધિકારીના વાહનને રોકવાનો પ્રયત્ન કર્યો હતો. પ્રદર્શનકારીઓની માંગ છે કે તેમને અંદર જવાની અનુમતિ આપવામાં આવે. તે વખતે પણ ભીડને ઇન્ડિયા ગેટ તરફ વાળી દેવામાં આવી હતી.

દિલ્હી ગેંગરેપઃ દિલ્હીમાં ઉગ્ર પ્રદર્શન

દિલ્હીમાં ચાલતી બસમાં સામુહિક બળાત્કારની ઘટનાના વિરોધમાં રાષ્ટ્રીય રાજધાનીમાં ચાલી રહેલા વિરોધ પ્રદર્શને શનિવારને ઉગ્ર સ્વરૂપ ધારણ કરી લીધું છે. પ્રદર્શનકારીઓની ભીડે રાષ્ટ્રપતિ ભવનનો સુરક્ષાઘેરો તોડી નાંખ્યો છે અને આગળ વધી રહ્યાં છે.