સગીરા પર બળાત્કાર અને અપહરણના ગુનામાં 4ની ધરપકડ

કચ્છના ભુજ શહેરના ભુજિયા રીંગ રોડ પર સગીર બાળકી પર બળાત્કાર ગુજારવાના મામલે પોલીસે શનિવારના રોજ ચાર લોકોની ધરપકડ કરી છે. ગુરુવારના રોજ રાત્રે 17 વર્ષની છોકરી અર્ધ નગ્ન હાલતમાં ઝાડીઓમાંથી બેભાન હાલતમાં મળી આવી હતી.

રાજકોટ : કચ્છના ભુજ શહેરના ભુજિયા રીંગ રોડ પર સગીર બાળકી પર બળાત્કાર ગુજારવાના મામલે પોલીસે શનિવારના રોજ ચાર લોકોની ધરપકડ કરી છે. ગુરુવારના રોજ રાત્રે 17 વર્ષની છોકરી અર્ધ નગ્ન હાલતમાં ઝાડીઓમાંથી બેભાન હાલતમાં મળી આવી હતી. તેનો બોયફ્રેન્ડ પણ તેની નજીક બેભાન હાલતમાં મળી આવ્યો હતો.

પોલીસના જણાવ્યા અનુસાર, તેઓએ સગીરને પોતાની સાથે આવવાની લાલચ આપનારા કિશન, તેના મિત્રો મહેશ મહેશ્વરી, કિસન રાહુલ વઢિયારા અને હુસૈન કક્કલની ધરપકડ કરવામાં આવી છે. રાજકોટ પોલીસ દ્વારા જણાવવામાં આવ્યું હતું કે, મહેશે યુવતીને દેશી દારૂ પીવડાવ્યો હતો જેના પછી તે બેભાન થઈ ગઈ હતી.

જ્યારે કક્કલ અને વઢિયારા પર બળાત્કારનો આરોપ મૂકવામાં આવ્યો હતો, જ્યારે કિશન અને મહેશ પર અપહરણ અને આરોપીઓને મદદ કરવાનો કેસ નોંધવામાં આવ્યો હતો.

ગુરુવારના રોજ પોલીસ કંટ્રોલ રૂમને ભુજિયા રીંગ રોડ પાસે ઝાડીમાં બેભાન હાલતમાં એક છોકરી અને એક છોકરો પડ્યો હોવાનો એક રાહદારીનો ફોન આવ્યો હતો. પોલીસે જણાવ્યું કે, બાળકી હોશમાં આવ્યા બાદ તેણે પોતાની સાથે થયેલી ઘટનાનું વર્ણન કર્યું હતું.

English summary

4 arrested for rape and kidnapping of minor girl