સ્વામિનારાયણ સંપ્રદાયના સાધુની કામલીલાનો વીડિયો વાયરલ થતા હંગામો
ધોરાજીના ફરેણી ગુરુકુળના ખજાનચી હરિચરણ સ્વામીનો એક વીડિયો વાયરલ થતા હંગામો સર્જાયો છે. વીડિયોમાં આ સ્વામી એક સગીર યુવક સાથે સૃષ્ટિ વિરુદ્ધનું કૃત્ય કરતા જોવા મળે છે. આ વીડિયો દસ મહિના પહેલાનો હોવાનો દાવો કરવામાં આવી રહ્યો છે.
વાયરલ વીડિયોમાં જોવાતા સગીર યુવકને ફરેણી ગુરુકુળનો વિદ્યાર્થી ગણવામાં આવી રહ્યો છે. જો કે, જેતપુરના ફરેણી સ્વામિનારાયણ મંદિરના સંચાલકો આ વીડિયોને 8-9 મહિના જૂનો ગણાવી મામલાને રફાદફા કરવાના પ્રયાસ કરી રહ્યાં છે.
સંચાલક મંડળે મીડિયાને જણાવ્યું કે, આ મામલો બહુ જૂનો છે. ટ્રસ્ટી મંડળની બેઠક બોલાવી આ સાધુને સ્વામિનારાયણ સંપ્રદાયમાંથી દૂર કરી દેવાયો છે.
સંચાલકોએ વધુમાં જણાવ્યું કે, સ્કૂલના કોઈ વિદ્યાર્થી કે વાલી તરફથી કોઈ ફરિયાદ નથી કરી. એ સાધુ નાની ઉંમરમાં સંપ્રદાયમાં આવ્યા હતા. તેમણે પોતે પણ સ્વીકાર્યું કે આ તેમની ભૂલ હતી. સંપ્રદાય પર લાંછન લગાડતું કૃત્ય હોવાથી ટ્રસ્ટ મંડળે તેમને પદભ્રષ્ટ કર્યા છે.
જણાવી દઈએ કે, સ્વામિનારાયણ સંપ્રદાયમાં સાધુઓની કામલીલાના વીડિયો સામે આવ્યા હોવાની આ પહેલી ઘટના નથી. આ પહેલા પણ ઘણા આવા વીડિયો સામે આવી ચુક્યા છે.
Click it and Unblock the Notifications
Sign in with Google
