Rajkot: રાજકોટમાં આગ લાગવાની બે ઘટના, લાખોનું નુકસાન, જાનહાનિ ટળી
Rajkot: રાજકોટમાં દિવાળીની રાત્રે આગ લાગવાની બે ઘટના ઘટી હતી. જેમાં કાલાવડ રોડ પર આવેલી રાધિકા જ્વેલર્સમાં અને મેટોડા GIDCમાં આવેલી ચાર્મી કોટન વેસ્ટની ફેક્ટરી ભીષણ આગ લાગવાની ઘટનાઓ સામે આવી હતી.
કાલાવડ રોડ પર આવેલી રાધિકા જ્વેલર્સમાં આગ લાગવાની ઘટના સામે આવી હતી. આ આગ લાગવાની ઘટનાની જાણ થતા રાજકોટ ફાયર બ્રિગેડની ટીમ ઘટના સ્થળે પહોંચી હતી. જ્યાં પાણીનો માળો ચલાવી ફાયર ટીમે આગ પર કાબુ મેળવી લીધો હતો.
આ ઘટનામાં સદભાગ્યે કોઈ મોટી દુર્ઘટના કે જાનહાનિ થઇ નથી. જોકે, આગ લાગવાના કારણે લાખોનું નુકસાન થયું છે.
રાજકોટના કાલાવડ રોડ પર આવેલા સ્વામિનારાયણ મંદિર સામે જ્વેલરીના શોરૂમ રાધિકા જ્વેલર્સમાં લાગી આગ #Rajkot #kalavad #Fire #jewelleryshowroom pic.twitter.com/VA8oJqeFsn
— oneindiagujarat (@oneindiagujarat) November 13, 2023
આ સાથે રાજકોટની મેટોડા GIDCમાં આવેલી ચાર્મી કોટન વેસ્ટની ફેક્ટરી ભીષણ આગ લાગી હતી. આ આગની ઘટનાની જાણ થતા મેટોડા ફાયર બ્રિગેડની ટીમે ઘટના સ્થળે પહોંચી હતી, જે બાદ ફાયર ટીમે તાત્કાલિક આગ પર કાબૂ મેળવ્યો હતો. આ ઘટનામાં કોઇ જાનહાનિ થઇ નથી. જોકે, કરોડોનો માલ બળીને ખાખ થઇ ગયો હતો.
ઉલ્લેખનીય છે કે, આ આગ લાગવાની બંને ઘટનાનું ચોક્કસ કારણ હજુ સુધી જાણી શકાયું નથી. આ આગ શોર્ટ સર્કિટના કારણે લાગી હોવાની આશંકા ફાયર વિભાગ દ્વારા વ્યક્ત કરવામાં આવી રહી છે.
ઉલ્લેખનીય છે કે, 3 ડિસેમ્બર, 2022ના રોજ પણ મેટોડા GIDCમાં આવેલા એક રૂમમાં આગ ફાટી નીકળી હતી. જેમાં પાંચ કામદારોને ઈજાઓ થઈ હતી. ઘાયલ થયેલા મજૂરો મેટોડા જીઆઈડીસી એસ્ટેટમાં આવેલી મેકપાવર કંપનીના કર્મચારી હતા અને ડાયમંડ પાર્ક સોસાયટી પાસે ભાડાના રૂમમાં રહેતા હતા.
મેટોડા જીઆઇડીસી ચાર્મી કોટન વેસ્ટ નામની ફેક્ટરીમાં ભીષણ આગ#Metoda #GIDC #Fire pic.twitter.com/kLniDdSLoW
— oneindiagujarat (@oneindiagujarat) November 13, 2023
Click it and Unblock the Notifications
Sign in with Google
