Rajkot: RMC યુનિયને અડધા દિવસ માટે કામકાજ અટકાવ્યું, જાણો માંગ
Rajkot: રાજકોટ મ્યુનિસિપલ કોર્પોરેશન (RMC) ના યુનિયન નેતાઓએ બુધવારના રોજ તેમની પડતર માંગણીઓને લઈને નાગરિક સંસ્થાના સેન્ટ્રલ ઝોન હેડક્વાર્ટરમાં હોબાળો મચાવ્યો હતો અને તમામ કર્મચારીઓને અડધા દિવસ માટે કામ સ્થગિત કરવાની ફરજ પડી હતી.
આરએમસી યુનિયનના નેતાઓ ઇચ્છતા હતા કે, તમામ વર્ગ I અધિકારીઓ તેમની ચેમ્બરમાંથી બહાર આવે. કારણ કે, તેઓ રાજકોટના ડેપ્યુટી મ્યુનિસિપલ કમિશનર અનિલ ધામેલીયાની ચેમ્બરમાં ધરણા કરવા માંગતા હતા.
RMC (રાજકોટ મ્યુનિસિપલ કોર્પોરેશન)ના વિજિલન્સ સ્ટાફ દ્વારા તેઓને આ કરતા અટકાવવામાં આવ્યા હતા. એવો આક્ષેપ કરવામાં આવ્યો હતો કે, વિજિલન્સ સ્ટાફે યુનિયનના નેતાઓ સામે બળજબરીનો ઉપયોગ કર્યો હતો.
જેના કારણે વિજિલન્સ સ્ટાફ અને યુનિયનના આગેવાનો વચ્ચે બોલાચાલી થઈ હતી. નેતાઓએ ટૂંક સમયમાં જ તમામ કર્મચારીઓને મ્યુનિસિપલ કમિશનર આનંદ પટેલ દ્વારા બોલાવવામાં ન આવે, ત્યાં સુધી અડધા દિવસ માટે જાહેર કાર્ય સ્થગિત કરવાની ફરજ પડી હતી. ટેક્સ બ્રાન્ચ, મેરેજ રજિસ્ટ્રેશન બ્રાન્ચ અને આધાર સેન્ટર જેવી તમામ શાખાઓનું કામ સ્થગિત કરવામાં આવ્યું હતું.
સૂત્રોના જણાવ્યા અનુસાર, આગેવાનો દ્વારા રજૂ કરવામાં આવેલા આ કર્મચારીઓની કામગીરીને લઈને યુનિયનના નેતાઓ અને મ્યુનિસિપલ કમિશનર વચ્ચે ઉગ્ર બોલાચાલી થઈ હતી. યુનિયનના નેતા બીબી જાડેજાએ મીડિયાને જણાવ્યું હતું કે, અમે ભરતીના નિયમોમાં ફેરફાર, વિવિધ હોદ્દા માટેની લાયકાતમાં ફેરફાર, વિભાગીય પ્રમોશન વગેરેનો વિરોધ કરી રહ્યા છીએ. અમે લાંબા સમયથી અમારા મુદ્દાઓની રજૂઆત કરી રહ્યા છીએ.
લંચ બ્રેક દરમિયાન યુનિયનના નેતાઓ અને મ્યુનિસિપલ કમિશનર વચ્ચે બેઠક યોજાઈ હતી. તેમને ખાતરી આપવામાં આવી હતી કે, તેમના પડતર મુદ્દાઓ પર વિચારણા કરવા માટે દર મહિને એક બેઠક યોજવામાં આવશે, અને તેમના પ્રશ્નોના નિરાકરણ માટે નોડલ ઓફિસરની પણ નિમણૂક કરવામાં આવશે. દિવસના બીજા ભાગમાં હડતાલ પાછી ખેંચી લેવામાં આવી હતી, અને RMCની તમામ શાખાઓ અને ઝોને કામ કરવાનું શરૂ કર્યું હતું.
Click it and Unblock the Notifications
Sign in with Google
