બેંક કર્મચારીની કાળી કરતુત, યુવતી પર દુષ્કર્મ આચરી ગર્ભપાતની ગોળીઓ ખવડાવી!
સુરતમાં એસબીઆઈના ક્રેડિટ કાર્ડ વિભાગમાં કામ કરતા એક કર્મચારીએ પાંડેસરા વિસ્તારમાં રહેતી એક યુવતીને લગ્નની લાલચ આપી પોતાની પ્રેમજાળમાં ફસાવી હતી.
સુરત : ગુજરાતમાં ગુનાખોરીની વાત આવે અને સુરતનું નામ ન આવે એવુ લગભગ શક્ય નથી. સુરતમાં દરરોજ ગુનેગારો કોઈને કોઈ મોટી ઘટનાઓને અંજામ આપતા જ રહે છે. ત્યારે હવે ફરી એક વખત સુરતમાં એક બેંક કર્મચારીએ યુવતીને ફસાવી તેના પર દુષ્કર્મ આચર્યુ છે.
મળતી વિગતો અનુસાર, સુરતમાં એસબીઆઈના ક્રેડિટ કાર્ડ વિભાગમાં કામ કરતા એક કર્મચારીએ પાંડેસરા વિસ્તારમાં રહેતી એક યુવતીને લગ્નની લાલચ આપી પોતાની પ્રેમજાળમાં ફસાવી હતી, આ પ્રેમ પ્રકરણનો અંજામ એ આવ્યો કે આરોપીએએ પ્રેમીકા પર દુુષ્કર્મ આચરી તેને ગર્ભવતી બનાવી દીધી, જે બાદ આરોપીએ પોતાનું પાપ છુપાવવા માટે તેને ગર્ભપાતની ગોળીઓ પણ ખવડાવી. આખરે હવે આરોપીઓની કરતુતનો પર્દાફાશ થયો છે અને મામલો પોલીસ સ્ટેશન પહોંચ્યો છે.
વિગતો અનુસાર, પાંડેસરા વિસ્તારમાં રહેતી ઇન્ટીરીયર ડિઝાઇનરનો અભ્યાસ કરતી યુવતીનો પરિચય દોઢ વર્ષ પહેલા એસબીઆઇના ક્રેડિટ કાર્ડ માટે બમરોલી એસબીઆઇની બ્રાંચમાં હેમચંદ્ર રતનલાલ દાયમ સાથે થયો હતો. જે બાદ આરોપીએ સતત કોલ કરી આત્મહત્યાની ધમકી અને નોકરીની લાલચ આપી યુવતીને તેના ઘરે લઇ ગયો હતો, જ્યાં તેને માતા, ભાઇ અને પત્નીને બહેન તરીકે ઓળખાવી તેમ દોઢ વર્ષની પુત્રીની પણ ઓળખ ભાણેજ તરીકે ઓખળ આપી હતી.
જે બાદ આગળ વધતા આરોપીએ લીવ ઈન કરાર પર બળજબરી પુર્વક સહીં કરાવી ડુમ્મસની એક હોટલમાં લઇ જઇ શરીર સંબંધ બાંધ્યો હતો અને ગર્ભવતી કરી હતી. જો કે આ તમામ ઘટનાઓ વચ્ચે યુવતીએ હેમચંદ્રના પેટીએમ પ્રોફાઇલમાં પત્ની સાથેનો ફોટો જોઈ લેતા ભાંડો ફુટી ગયો હતો, જેથી આરોપીએ યુવતીને જબરજસ્તી ગર્ભપાતની ગોળીઓ આપી હતી. હાલ આ મામલે પાંડેસરા પોલીસે ફરીયાદ નોંધી આગળની કાર્યવાહી હાથ ધરી છે.