Surat Accident News : અકસ્માત બાદ બાઇક સવારને 12 કિલોમીટર સુધી ઢસડ્યો, મોત
Surat Accident News : સુરતમાં દિલ્હીના કાંઝાવાલા જેવો કિસ્સો સામે આવ્યો છે. સુરતમાં એક કાર ચાલકે બાઇક સવારને 12 કિમી સુધી રોડ પર ઢસડ્યો હતો. આ અકસ્માતમાં બાઇક સવારનું મોત નીપજ્યું હતું.
Surat Accident News : સુરતમાં પણ દિલ્હીના કંઝાવલા જેવી ઘટના ઘટી છે. જ્યાં, કાર ચાલકે બાઇક પર સવાર પતિ-પત્નીને ટક્કર મારી હતી. આ ટક્કર બાદ કાર ચાલક રોકાયો ન હતો, અને બાઇક સવારને 12 કિલોમીટર સુધી ઢસડી ગયો હતો. આ ઘટનામાં પતિનું મોત થયું હતું, જ્યારે તેની પત્ની ઇજાગ્રસ્ત થઇ હતી.
સુરત આવી રહ્યા હતા પતિ-પત્ની
સુરતની આ ઘટના 18 જાન્યુઆરીની રાત્રે બની હતી. મૃતકની ઓળખ 24 વર્ષીય સાગર પાટીલ તરીકે થઈ છે, જે નીલગીરી સર્કલનો રહેવાસી છે. આ અકસ્માત સમયે સાગર તેની પત્ની અશ્વિની પાટિલ પણ તેની સાથે બાઇક પર બેઠેલી હતી. આ ઘટના અંગે જણાવવામાં આવી રહ્યું છે કે, સાગર તેની પત્ની સાથે બહુમરા ગામથી સુરત તરફ આવી રહ્યો હતો. જે દરમિયાન તાંતીથૈયા પાસે પાછળથી એક કાર ચાલકે સાગરની બાઇકને ટક્કર મારી હતી.
સાગરને 12 કિમી સુધી ઢસડ્યો
આ ટક્કર બાદ સાગર કારની નીચે ફસાઈ ગયો હતો. આમ છતાં ડ્રાઈવરે કાર રોકી ન હતી. કાર ચાલકે સાગરને 12 કિમી સુધી ઢસડ્યો હતો. આ અકસ્માતમાં ગંભીર રીતે ઘવાયેલા સાગરનું મોત નીપજ્યું હતું, જ્યારે તેની પત્નીને ઈજાઓ પહોંચી હતી. આ સાથે જ કાર ચાલક અકસ્માત બાદ ફરાર થઈ ગયો છે. પોલીસ દ્વારા કાર કબ્જે કરવામાં આવી છે.
Click it and Unblock the Notifications
Sign in with Google
