સાવલીમાં ડામરનું ટેન્કર ફાટતાં ભીષણ દુર્ઘટના, આગ લાગતા ત્રણ લોકોના કરુણ મોત
વડોદરાના સાવલી તાલુકાના મોક્સી ગામ નજીક આવેલી ડામર કંપનીમાં ભીષણ દુર્ઘટના સર્જાઈ હતી. ટેન્કરમાં ભરાયેલા ડામરને બહાર કાઢવાના પ્રયત્ન દરમિયાન ટેન્કર ફાટતાં ભડકેલી આગમાં ત્રણ વ્યક્તિઓના ઘટનાસ્થળે જ દૂઃખદ મોત નિપજ્યાં છે. મૃતકોમાં ટેન્કર ચાલક, ક્લીનર અને એક મજૂરનો સમાવેશ થાય છે. ત્રણેયના મૃતદેહને પોસ્ટમોર્ટમ માટે સયાજી હોસ્પિટલ ખસેડવામાં આવ્યા છે.
પ્રાપ્ત વિગતો અનુસાર, ભાદરવા-સાકરદા રોડ પર આવેલી રીતુ એન્ટરપ્રાઇઝ નામની કંપનીમાં ટેન્કરમાં જામ થયેલા ડામરને બહાર કાઢવાનો પ્રયાસ કરવામાં આવી રહ્યો હતો. આ દરમ્યાન ટેન્કરને ગરમ કરવામાં આવ્યું હતું. જો કે, ટેન્કરનું ઢાંકણું ખોલવાનું રહી જતા ગેસના પ્રેશરના કારણે ટેન્કરમાં વિસ્ફોટ થયો અને ભીષણ આગ ફાટી નીકળી.
આ દુર્ઘટનામાં થયેલા વિસ્ફોટથી ઘટનાસ્થળ પર જ ત્રણ લોકોના મોત થયાના સમાચાર મળ્યા છે. હાલ આ મામલે સંબંધિત વિભાગો દ્વારા વધુ તપાસ હાથ ધરવામાં આવી રહી છે.
Click it and Unblock the Notifications
Sign in with Google
