ચીન કોરોનાથી ત્રાહિમામ, દરરોજ 3 કરોડ 70 લાખ કેસ નોંધાઇ રહ્યા છે

ચીનમાં કોરોનાવાયરસે ફરી હાહાકાર મચાવ્યો છે, જ્યાં દરરોજ પોણા ચાર કરોડ જેટલા લોકો સંક્રમિત થઇ રહ્યા છે.

Updated: Friday, December 23, 2022, 23:29 [IST]

બેઇજિંગઃ ચીનમાં દરરોજ 3 કરોડ 70 લાખથી વધુ લોકો કોરોનાથી સંક્રમિત થઇ રહ્યા છે. આ જાણકારી ખુદ ચીની સરકારે આપી છે. ચીનના ટોચના આરોગ્ય અધિકારીએ અનુમાન લગાવ્યું કે તાજા આંકડા હજી પણ વધી શકે છે. બ્લૂમબર્ગે બુધવારે થયેલ ચીનના રાષ્ટ્રીય સ્વાસ્થ્ય આયોગની આંતરિક બેઠકના હવાલેથી જણાવ્યું કે ડિસેમ્બરના પહેલા 20 દિવસમાં 24 કરોડ 80 લાખ લોકો કોરોનાથી સંક્રમિત થયા હતા. જો આ સત્ય હોય તો માત્ર 20 દિવસમાં જ 18 ટકા વસતી કોરોના સંક્રમિત થઇ ચૂકી છે. એવામાં વર્તમાન કોરોના સંક્રમણનો રેટ જાન્યુઆરી 2020ના દરરોજના 4 લાખ સંક્રમિતો વાળા જૂના રેકોર્ડને તોડી નાખ્યો છે.

ચીનમાં કોરોના વિસ્ફોટ કેવી રીતે થયો

ચીન મહામારીની શરૂઆતથી જ કોરોના પ્રતિબંધોને લઇ બદનામ રહ્યું છે. આ કારણે ચીનમાં વિશાળ પ્રમાણમાં વસતી પ્રભાવિત થઇ હતી. હાલાત એટલા ખરાબ થઇ ગયા હતા કે ચીની નાગરિકોએ શી જિનપિંગ સામે રસ્તાઓ પર ઉતરવું પડ્યું હતું. આ કારમે ચીને કોરોના પ્રતિબંધોમાં ઢીલ આપવી શરૂ કરી દીધી. આ દરમિયાન ઓમિક્રોનનો એક અતિ સંક્રામક મ્યૂટેટ વેરિઅન્ટ બીએફ7 જન્મ્યો. જેણે ચીનની વસ્તીને વિશાળ પ્રમાણમાં પ્રભાવિત કરી છે. ચીની સ્વાસ્થ્ય મંત્રાલય મુજબ, સિચુઆન પ્રાંત અને રાજધાની બેઈજિંગના અડધાથી વધુ નિવાસી સંક્રમિત થઇ ચૂક્યા છે.

દૂનિયાથી છૂપાવી રહ્યું છે ચીન

ચાઈનીઝ હેલ્થ રેગ્યુલેટરે એ નથી જણાવ્યું કે તેનો અંદાજ કયા આધારે જારી કરવામાં આવ્યો હતો. ચીને આ મહિનાની શરૂઆતમાં સંક્રમિત રેટ જણાવવાનું બંધ કરી દીધું. જેનાથી ચીનમાં થયેલ કોરોના વિસ્ફોટ સાથે જોડાયેલ સટીક જાણકારી મળી શકી નથી. ખુદ વિશ્વ સ્વાસ્થ્ય સંગઠને જોખમનું આંકલન કરવા માટે ચીન પાસેથી તાજા આંકડા જાહેર કરવાની ભલામણ કરી છે. ડબલ્યૂએચઓ ચીફે કહ્યું કે ચીન પાસેથી મળેલ આંકડાથી ખતરાને માપીને અમે બીજા દેશોને સલાહ આપી શકીશું. ચીનના નેશનલ ડિસિઝ કંટ્રોલ બ્યૂરોએ હજી સુધી સાર્વજનિક રીતે કોઈ નિવેદન પણ આપ્યું નથી.

જાન્યુઆરીમાં ચરમ પર પહોંચશે કોરોના સંક્રમણ

ચીનમાં લોકો હવે કોવિડ સંક્રમણ તપાસવા માટે રેપિડ એંટીજન ટેસ્ટનો ઉપયોગ કરી રહ્યા છે. રેપિડ એંટીજન ટેસ્ટ સટીક નથી મનાતો. આ દરમિયાન ચીની સરકારે સંક્રમિત વ્યક્તિના સંપર્કમાં આવેલા લોકોમાં સંક્રમણના રેટ સાથે જોડાયેલી જાણકારી આપવાનું બંધ કરી દીધું છે. ડેટા કંસલ્ટેન્સી મેટ્રોડાટાટેકના મુખ્ય અર્થશાસ્ત્રી ચેન કિને ઓનલાઇન કીવર્ડ સર્ચના વિશ્લેષણના આધારે અનુમાન લગાવ્યું કે ચીનની વર્તમાન લહેર ડિસેમ્બરના મધ્ય અને જાન્યુઆરીના અંતમાં મહત્તમ શહેરમાં ચરમ પર હશે. તેમના મૉડલથી માલૂમ પડે છે કે શેન્જેન, શાંઘાઇ અને ચોંગકિંગના શહેરોમાં સૌથી વધુ મામલા આવી શકે છે.