મેક્સિકો સિટી ધમાકામાં 29 ના મોત, 70 ઘાયલ
રાજધાની મેક્સિકો સિટીના ફટાકડા બજારમાં મંગળવારે રાતે જબરદસ્ત ધમાકો થયો જેમાં અત્યાર સુધીમાં 29 લોકોના મોત થયાના સમાચાર છે...
રાજધાની મેક્સિકો સિટીના એક ફટાકડા બજારમાં મંગળવારે રાતે જબરદસ્ત ધમાકો થયો જેમાં અત્યાર સુધીમાં 29 લોકોના મોત થયાના સમાચાર છે અને 70 થી વધુ લોકો ઘાયલ બતાવવામાં આવી રહ્યા છે.
મળતી જાણકારી મુજબ આ ધમાકો ટુલ્ટપેકના સિવિલ પ્રોટેક્શન ડિવિઝનના સૈન પેબ્લિટો ફટાકડા બજારમાં થયો છે. ધમાકા બાદ રાહત અને બચાવ કાર્ય તાત્કાલિક શરુ કરવામાં આવ્યુ અને આગ ઓલવવાનું કામ કરવામાં આવ્યુ. બધા ઘાયલોને નજીકની હોસ્પિટલમાં ખસેડવામાં આવ્યા છે. માત્ર બજારમાં જ નહિ પરંતુ બજારની નજીકના ઘરોમાં પણ ધમાકાને કારણે ભારે નુકશાન થયુ છે.
જે બજારમાં ધમાકો થયો છે તે મેક્સિકો શહેરનું શ્રેષ્ઠ ફટાકડા બજાર ગણાય છે. મેક્સિકોના રાષ્ટ્રપતિએ પણ ટ્વીટરના માધ્યમથી દુર્ઘટનામાં માર્યા ગયેલા લોકો પ્રત્યે સંવેદના વ્યક્ત કરી છે.
Click it and Unblock the Notifications
Sign in with Google
