અમેરિકાના ટેકસાસમાં ટ્રકની અંદર 46 લોકોના શબ મળવાથી ખળભળાટ

અમેરિકાના ટેક્સાસ શહેરમાં ચોંકાવનારા સમાચાર સામે આવ્યા છે.

વૉશિંગ્ટનઃ અમેરિકાના ટેક્સાસ શહેરમાં ચોંકાવનારા સમાચાર સામે આવ્યા છે. અહીં સાન એન્ટોનિયામાં ટ્રેક્ટર-ટ્રેલરમાંથી 46 લોકોના મૃતદેહ મળી આવતા ખળભળાટ મચી ગયો છે. સ્થાનિક મીડિયા અનુસાર ટ્રકમાંથી લગભગ 46 લોકોના મૃતદેહ મળી આવ્યા છે. આશંકા છે કે આ લોકોને ટ્રક ભરીને ટેક્સાસ મોકલવામાં આવી રહ્યા છે. આ કેસને માનવ તસ્કરી તરીકે જોવામાં આવી રહ્યો છે. ટ્રક રેલવે ટ્રેક પાસે પાર્ક કરેલી મળી આવી હતી.

મળતી માહિતી મુજબ આ ટ્રક રેલવે ટ્રેક પાસે ઉભી હતી. જો કે હજુ સુધી પોલીસ દ્વારા આ અંગે કોઈ સત્તાવાર માહિતી આપવામાં આવી નથી. મેક્સીકન વિદેશ મંત્રી માર્સેલો એબ્રાર્ડે જણાવ્યુ કે ટ્રકમાંથી લગભગ બે ડઝન લોકોના મૃતદેહ મળી આવ્યા છે. આ પીડિતો કયા દેશના છે તે જાણી શકાયુ નથી અને હજુ સુધી તેમની ઓળખ થઈ નથી. ટેક્સાસમાં આ એક દુ:ખદ ઘટના છે. જણાવવામાં આવી રહ્યુ છે કે ટ્રકની અંદર ગૂંગળામણને કારણે લોકોના મોત થયા છે.

English summary

46 bodies found in America's Texas city in a truck.