યુરોપની એક ગુફામાં 6 હજાર વર્ષ જૂના જૂતા મળ્યા, જાણો આજથી કેટલા અલગ છે?
દુનિયાભરના પુરાતત્વવિદ હજારો વર્ષ જૂના રાઝને ખોલવા માટે સતત રિસર્ચ કરતા રહે છે. આ ક્રમમાં જ પુરાતત્વવિદોને હાલમાં જ યુરોપમાં 6 હજાર વર્ષ જૂના જુત્તા મળ્યા છે.
યુરોપમાં 6 હજાર વર્ષ કરતા વધુ સમયથી ગુફામાં અંદર રહેલા સૌથી જૂના જૂતા મળી આવ્યા છે. એક સ્પેનિશ ગુફામાં મળી આવેલા શૂઝ એકદમ અકબંધ હતા અને તેની ડિઝાઇન ચોંકાવનારી છે.
આ શૂઝ જોઈને વૈજ્ઞાનિકો પણ આશ્ચર્યમાં છે. આ શોધ આપણા નિયોલિથિક પૂર્વજોની અદભૂત કુશળતા અને હસ્તકલા દર્શાવે છે. આ જૂતા જટિલ રીતે વણાયેલી બાસ્કેટ અને લાકડાની કલાકૃતિઓ સાથે મળી આવ્યા છે.
વૈજ્ઞાનિકોની એક ટીમે આ પ્રાગૈતિહાસિક પ્લિમસોલ્સની તપાસ કરી ત્યારે જાણવા મળ્યું કે સૌથી જૂના જૂતા એસ્પાર્ટો ગ્રાસ નામના ફાઇબરમાંથી વણાયેલા હતા. જે આધુનિક એસ્પાડ્રિલ જૂતા સાથે સામ્યતા ધરાવે છે. આ જૂતા 2008 માં આર્મેનિયામાં શોધાયેલા 5,500 વર્ષ જૂના ચામડાના જૂતા કરતાં જૂના છે.
કાર્બન ડેટિંગથી જાણવા મળ્યું કે, આ કલાકૃતિઓનો સંગ્રહ અગાઉના વિચાર કરતાં લગભગ 2,000 વર્ષ જૂનો હતો. ગુફામાં મળેલી અન્ય વસ્તુઓમાં વણેલા બાસ્કેટનો સમૂહ તેમજ લાકડાના સાદા ઓજારો હથોડી અને પોઈન્ટેડ લાકડીઓનો સમાવેશ થાય છે.
સંશોધકોએ શોધી કાઢ્યું હતું કે 76 વસ્તુઓમાંથી કેટલીક 9,500 વર્ષ પહેલાં બનાવવામાં આવી હતી, જે તેમને પ્રારંભિક શિકારી-સંગ્રહી સમાજોમાં ટોપલી બનાવવાનો પ્રથમ પુરાવો પણ છે.
📣Archaeologists have discovered 6,200-year-old #Shoes in a cave, challenging assumptions about early humans. These #Ancient sandals, found in a Spanish bat cave, are believed to be the oldest shoes in Europe. #Archaeology pic.twitter.com/x20No884AF
— Top News (@topnewsen401) September 30, 2023
આ જૂતાની સૌથી આશ્ચર્યજનક વાત એ છે કે 6000 વર્ષ પછી પણ સંપૂર્ણ રીતે સચવાયેલા છે. આ જૂતા આટલા વર્ષો સુધી કેવી રીતે સચવાયા તે ગુફાની રચના અને સ્થાનને કારણે શક્ય બન્યું છે.
વૈજ્ઞાનિકોનું કહેવું છે કે ગુફામાંથી ઠંડી અને સૂકી હવા પસાર થતી હતી, જેના કારણે તેની અંદર ભેજ ઓછો રહે છે અને બેક્ટેરિયાના ફેલાવાને અટકાવે છે. આ બેક્ટેરિયા આ કલાકૃતિઓનો નાશ કરી શકે છે. તેની ગેરહાજરીને કારણે આ વસ્તુઓ આટલા વર્ષો સુધી સચવાઈ.
Click it and Unblock the Notifications
Sign in with Google
